Chat o bebiwa a sa vhoni.
Maṱo awe ha athu vhona vhabebi vhawe, kana khaladzi dzawe na vhakomana. O vha a tshi ḓivha zwifhaṱuwo zwavho nga u tou vha phuphuledza.
Ḽiṅwe ḓuvha Chat o vha a tshi khou ḓi tshimbilela ngadeni.
O funa munukho u ḓifhelelaho wa maluvha.
O vha a tshi funa u kwama maṱari a matete a maluvha.
Chat o vha a tshi tama u vhona maluvha, luthihi fhedzi.
O vha a tshi ḓivhudza u ri, "Ndi avhuḓi."
Ḓuvha ḽiṅwe na ḽiṅwe, Chat o vha a tshi ḓi tshimbilela ngadeni. O vha a tshi ḓivha zwavhuḓi hune a khou ya hone.
Ṋamusi, o takusa ṱhoho yawe a sedza nṱha lutomboni.
Nga u ṱavhanya, o thoma u pfa mibvumo na dziphenyo.
Chat o mbo ḓi humbula uri, "Ndi fanela u ṱavhanya nda vhuyelela nḓuni."
Mvula yo mbo ḓi thoma u na.
Chat a suvha nahone a wa.
Ṱhoho yawe ya rwana na tombo.
Musi Chat a tshi vuwa, o vha o tangwa nga vhathu.
O vha vhudzisa a ri, "Ho itea mini?"
Khotsi awe vha ri, "No wa na rwa fhasi nga ṱhoho.
Mme awe vha ri, "Ri livhuha Mudzimu uri a no ngo huvhala."
Chat a ri, "Mma, Baba?" A dovha a vhidzelela madzina a khaladzi dzawe na vhakomana vhawe vhoṱhe a ri, "Ndi khou humbela uri ni nnḓele na luvha.
Vhoṱhe vho vha vho mangala.
Mukomana wawe a mu ḓela na luvha.
Chat a ḽi fara a ḽi phuphuledza. A ri, "Ndi ḽavhuḓi nga maanḓa."
Vha muṱa wahawe vha lavhelesana.
Mme awe vha vhudzisa vha ri, "Chat naa ni a kona u vhona iḽo luvha?"
Chat o vha a tshi khou tambisa luvha ḽi re tshanḓani tshawe.
A ṅwethuwa a ri, "Noṱhe no naka nga maanḓa u fana na heḽi luvha."