Koko! Koko!

"Ndi nnyi?" ndi a vhudzisa ndi tshe ndo farwaho nga khofhe.

"Ndi nṋe," hu amba ipfi nga u tou ṱavha mukosi.

"Ndi nnyi ane a pfi nṋe?" ndi a vhudzisa.

"Ndo ni vhudza uri ndi n-ṋ-e-f-h-e-d-z-i," hu amba ipfi ḽi fanaho.

Ndo fhindula nda ri, "A thi ḓivhi muthu ane a pfi n-ṋ-e-f-h-e-d-z-i."

Nda sedza arali nethe yanga ya u ḓitsireledza kha vhunyunyu yo thivha zwavhuḓi mmbete wanga.

"Ndi pfi Lunyu."

Ipfi ḽi vho tou ṱavhesa mukosi u fhira u thomani. Ḽi tou vha tsini-tsini na nḓevhe yanga.

"Lunyu ufhio?" ndi a vhudzisa musi ndi tshi khou sedza nga fhasi ha nethe.

Ipfi ḽa amba uri, "Lunyu-Nyu."

Nda pfa uri ndo lumiwa kha nḓevhe."

"Yowee!" nda mbo ḓi pindumuku nda thoma u lu ṱoḓa.

Ndi tshi khou ambela nṱha nda ri, "U ḓo zwi badela."

Nge nda vha ndo sinyuwa vhukuma, nda tsa mmbeteni, nda funga luvhone.

I ḓo vha nndwakhulu vhukati hanga na Lunyu-Nyu lu sinyusaho!