Oferetio illaŋ ôllô odiha ꞌtô êllê îmaruak attarî.

Nanî agalîk ꞌdaŋ tê eŋorua, inyia anna ahênyû nî berien.

Nanî aŋahîtta nôlôŋ itua haji.

Ojio Iyaŋ jihoŋ, "Iyye ettur-hasuani hoŋ."

Ellîllayatio nî ahûan hoŋ hama oŋitek ꞌdaŋ, abeŋ nî awak ôbô aluahio.

Abeŋ nî egigilo êlîk harî, kuyya buo fê êllîlla ta asebun ênnê êgara-ôdîl ônnô omocierek aboŋojin.

Itiyiu nanî Iyaŋ jio, "Heguoro aala hôî."

Etarraŋak nî jihonyi jio, "Abeŋ nî aguoro ꞌtulaŋ, abeŋ nî aguhittatio."

Hinyia attohu nî êllîlla, êttê nî lêtên îfôny Hohonyi iko Iyanyi hoŋ.

Attatî buo nî iyyafa. Ettê nî jiaran, "Abôlô nî, Iyaŋ."

Aremik nî îtahûanyana abôŋô iko amûha hoŋ.

Efûr nî hôdê jio ijiara illaŋ ôlô îmîjana asayyo sukul ꞌdaŋ.

Ehûm nî îgêm êrrê ꞌdaŋ bêbê tô tua ittiyeni hôhôî.

Ehanio nî êrrê hûnîa ꞌdaŋ motie-motie.

Atî, arîŋ anna amuno nî agalîk ꞌdaŋ, inyi abala, abala, îdas fê abala!