Kulani u tswariwe a nga voni.
Mahlo ma yena a ma si tshama ma vona vatswari va yena, buti na sesi va yena. A tiva swikandza swa vona hi ku swi khoma.
Siku rin'wana Kulani a jikajika exirhapeni.
U rhandza nuhelo wo tsokombela wa swiluva.
U rhandza ku khoma swiluva swa kona.
Kulani u twa wonge a nga vona swiluva, kan'we ntsena.
"Swi sasekile," a tibyela.
Siku na siku, Kulani a fambafamba exirhapeni. A tiva na tindlela ta kona.
Namuntlha, u tlakusile nhloko a languta ehenhla.
Kulani a twa ku duma na rihati.
"Ndzi fanele ku tsutsumela endlwini," Kulani a ehleketa.
Mpfula yi sungula ku na.
Kulani a rheta, a lahlekeriwa hi vulawuri a wa.
A wela ehenhla ka ribye hi nhloko.
Loko Kulani a pfuka, a ku ri na vanhu va n'wi rhendzerile.
"Ku humelele yini?" a vutisa.
"U wile na ku banana na ribye hi nhloko," tata wa yena a vula.
"Hi khensa Xikwembu u kahle," ku vula mana wa yena.
"Tatana, Manana?" ku vutisa Kulani. U tlhele a huwelela na vito ra sesi na buti wa yena. "Ndzi kombela mi ndzi kumela xiluva."
Un'wana na un'wana a hlamala.
Sesi wa yena a n'wi nyika xiluva.
Kulani a xi khoma kahle. "Xi sasekile," u vula.
Ndyangu wa yena va langutana.
"Kulani, wa swi vona swiluva?" ku vutisa mana wa yena.
Kulani a tlangisa swiluva evokweni ra yena.
"Hinkwerhu misasekile, ku fana na swiluva leswi." A n'wayitela.