Moena oa ka o robala bosiu haholo.

'Na ke tsoha hoseng, hobane ke etsa hantle!

Ke 'na ea bulang lifenstere hore mahlaseli a letsatsi a kene.

"U mphatlalatsane ea ka," ho rialo 'm'e.

Letsatsi le leng le le leng kea itlhapisa, ha ke hloke thuso.

Ke hlapa ka metsi a batang, le sesepa se seputsoa se hlatsoang liphahlo.

'M'e oa nhopotsa o re, "U se ke oa lebala ho tsukunya meno a hao."

"Nkeke ka lebala!" ke 'na eo.

Ha ke qeta ho hlapa, ke ea ho lumelisa Ntate-moholo le Rakhali.

Ke ba lakaletsa letsatsi le monate.

Joale ebe kea itents'a.

"Ke se ke holile joale 'm'e," ke 'na eo.

Ke qhoaela likonopo tsa ka, hape ke khona le ho fasa lieta tsa ka.

Ke etsa bonnete ba hore moena'ka o tseba litaba tsohle tsa sekolo.

Ka phaposing ea ho ithutela ke sebetsa ka thata.

Ke etsa lintho tsena tsohle tse ntle letsatsi le letsatsi.

Empa ntho eo ke e ratang haholo, ke ho bapala!