Ka letsatsi le leng, 'm'e o ile a reka litholoana ka mefuta-futa.

"Re tla ja litholoana neng?" ra botsa 'm'e.

"Re tla ja litholoana mantsiboeng ana," ho rialo 'm'e.

Moena oa ka Thabo o meharo.

O ile a latsoa litholoana tsohle. A li ja haholo.

"Bona seo Thabo a se entseng!" ho hoeletsa ngoan'eso e monyane oa moshanyana.

Ka re: "Thabo o setoutu ebile o nahanela eena feela."

'M'e o ne a halefetse Thabo haholo.

Le rona re ne re halefetse Thabo haholo.

Empa Thabo ha a ka a soabela seo a se entseng.

"Na u tlo fa Thabo kotlo 'm'e?" ha botsa ngoan'eso e monyane oa moshanyana.

"Thabo, u tlo soaba," 'me oa hae, o oa hlokomelisa.

Thabo a qala ho utloa a kula.

"Ke ts'oeroe ke mala," ho cho Thabo.

'M'e o ne a tseba hore na hobaneng Thabo a kula.

"Thabo o kulisoa ke litholoana," a nahana.

Hamorao, Thabo o ile a kopa ts'oarelo ho rona. A re ts'episa a re: "Ha ke sa tla hlola ke ba meharo."

Re ile ra mo kholoa.