Mamela 'mele oa ka
Noni
Angie and Upesh
Sesotho (Lesotho)

Kajeno ha ke ee sekolong.

Ke letsatsi la phomolo!

1

Kajeno ha ke tlo shebella TV.

Ha ho na motlakase.

2

Ekaba ke tlo etsang?

Kajeno ke tlo mamela 'mele oa ka!

3

Pele, ke tlameha ho khutsa tu.

E le hore ke mamele 'mele oa ka.

4

E, joale ke khona ho ikutloa ha ke hema.

Ke hemela ka hare le ka ntle, ka hare le ka ntle.

5

Ke khona ho hemela holimo. Hhhhhhhhhhh!

Le tlase. Mmmmmmm.

6

Ke khona ho utloa ha pelo ea ka e otla!

Thuthuthuuu, thu thuuuu, thuu thuuuuu.

7

Na nka etsa hore pelo ea ka e otle kapele kapa e otlele holimo haholo?

E, ka ho qhomela holimo le tlase ka makhetlo a mashome a mabeli.

8

Utloa, joale pelo ea ka e otla kapele.

9

Ha nka beha menoana ea ka methapong ea letsoho, ke utloa ho otla ha pelo ea ka!

10

Ke khona ho ikutloa ha ke ts'eha.

Haha, haha, haaah, haaa!

11

Ke khona ho ikutloa ha ke lla.

Hii hii hiii!

12

Ke khona ho ikutloa ha ke opa liatla.

Pha, pha, pha.

13

Ke khona ho utloa ha mala a ka a korotla!

Krrrr, krrrrr, krrrrr.

14

Mpa ea ka e re, "'Ngoathele!"

15

Nko ea ka e khona ho utloa monko oa likuku ka kichineng ea 'm'e.

Joale ke batla ho utloa mehlahare ea ka e hlafuna likuku tseo!

16
You are free to download, copy, translate or adapt this story and use the illustrations as long as you attribute in the following way:
Mamela 'mele oa ka
Author - Noni
Translation - Lineo Nkabane-Sekopo
Illustration - Angie and Upesh
Language - Sesotho (Lesotho)
Level - First sentences
© Pratham Books 2014
Creative Commons: Attribution 4.0
Source www.africanstorybook.org
Original source www.prathambooks.org