Ena ke pale ea mohlokomeli oa liphoofolo le lehae la hae la tlhokomelo ea liphoofolo tsa likhutsana.

Phato e ne e le khoeli e maphathephathe bakeng sa Mohlokomeli oa liphoofolo le bathusi ba hae lehaeng la tlhokomelo ea liphoofolo.

'Mamokete ea neng a le selemo se seng ebile eena oa pele oa ho fihla.

O fihlile ka teraka e tsofetseng e tala.

Mohlokomeli oa liphoofolo le bathusi ba hae ba ne ba sareletsoe 'Mamokete haholo.

O ne a otile ebile a hloname.

Empa kapele-pele, 'Mamokete o ile a ba matla.

O ile a qala ho bapala le liphoofolo tse ling lehaeng la tlhokomelo ea liphoofolo.

Letsatsing le leng ka Phato, seroala-nkhoana se ile sa tsorama moo lehaeng la tlhokomelo ea liphoofolo.

Mohlokomeli oa liphoofolo le bathusi ba hae ba ile ba potlakela kantle.

Kahare ho seroala-nkhoana e ne e le tlou e nyane e neng e koahetsoe ka kobo.

E ne e le Tebelo. O ne a e-na le matsatsi a mahlano feela.

Mohlokomeli oa liphoofolo o ile a fepa Tebelo botlolo.

Khutsana ea boraro khoeling eo e ne e le 'Maleeto.

O fihlile lehaeng la tlhokomelo ea liphoofolo ka terekere e khubelu. O ne a le likhoeli li ts'eletseng.

'Maleeto ts'ukulu o ile a ba motsoalle oa hlooho ea khomo le Nkareng, nare ea lesea. Ba ne ba ea hohle hammoho.

Bosiung bo bong, bohle ba ile ba tsosoa ke ho fihla ha Mpinane.

Mpinane o ne a le likhoeli li hlano.

O ne a fokola kamora leeto la hae le lelelele.

Ka lebaka la molala oa hae o molelele, Mohlokomeli oa liphoofolo o ile a phahamisetsa botlolo holimo ho fepa Mpinane.

Mafahla a manyane Masilo le Masilonyane ba fihlile bohareng ba Phato.

Matsa ana a ne a le lihora tse 'maloa feela. A ne a kula haholo.

Bohle ba ne ba utloile bohloko ha Masilo a shoa beke kamora hore a fihle lehaeng la tlhokomelo ea liphoofolo.

Mohlokomeli oa liphoofolo le bathusi ba hae ba ile ba khona ho pholosa Masilonyane.

Likhutsana tsa ho qetela tsa ho fihla ka Phato e bile Kopi, Kepi le Ketso.

Malinyane ana a ne a le libeke li peli. A ne ba lapile haholo ha a fihla.

Mohlokomeli le bathusi ba hae ba rata liphoofolo tsohle, esita le tse setoutu.

Lesea le neng le le setoutu ka ho fetisisa e ne e le Lobisa.

Lobisa o ne a rata ho pata likhalase tsa mahlo tsa Mohlokomeli oa liphoofolo.

Batho ba lehaeng la tlhokomelo ea liphoofolo ba sebetsa ka thata ho hlokomela malinyane.

Ba ts'epa hore ka letsatsi le leng likhutsana li tla itlhokomela. Joale ebe li khutlela naheng.

Ba lilemo li kae 'me ba bakae? Bala pale hape ebe u araba lipotso tsena.
1. Ke liphoofolo tse kae tse fihlileng lehaeng la tlhokomelo ea liphoofolo ka Phato?
2. Ke mang ea fihlileng pele khoeling eo?
3. Phoofolo ee e ne e le lilemo li kae?
4. Ke mang ea fihlileng qetellong? Liphoofolo tsee li ne li le lilemo li kae?
5. Ke liphoofolo life tse nyane ka ho fetisisa tse fihlileng ka Phato?
6. Li ne li le lilemo li kae?
7. Ke phoofolo efe e kholo ka ho fetisisa e fihlileng ka Phato?