ایک دن امی  مختلف قسموں کے بہت سارےپھل لائیں۔

ہم یہ پھل کب کھا سکتے
ہیں؟  ہم نے پوچھا۔
رات کو کھائیں گے، امی
بولیں۔

میرے بھائی نادر کا دل
للچایا، اُس نے دیکھتے ہی دیکھتے بہت سارے پھل کھا لیے۔

یہ دیکھو بھیا نے کیا
کیا!  منا چلایا۔
نادر بہت خود غرض
ہے،    میں بولی۔

امی  بھی بہت خفا 
ہوئیں۔

ہم بھی اُس سے ناراض
تھے۔ لیکن وہ ذرا بھی شرمندہ نہیں تھا۔

منے نے پوچھا، امی کیا
آپ بھیا کو سزا دیں گی؟

نادر تمہیں جلد ہی اپنی
غلطی کا احساس ہو گا،     امی نے نادر کو
کہا۔

نادر کی طبیعت خراب ہو
گئی۔

میرے پیٹ میں بہت درد
ہے،    نادر نے آہستہ سے کہا۔

امی جان گئیں کہ اُس کی
طبیعت کیوں خراب ہے۔ شاید پھل اُسے سزا دے رہے ہیں۔

جب نادر ٹھیک ہو گیا تو
وہ بہت شرمندہ تھااور اُس نے ہم سب سے معافی مانگی۔ ہم نے اُسے معاف کر دیا۔