Chakanga chiri chirimo zuva richipisisa musango.

KaSvosve akanga ave nemazuva asina mvura.

"Ndinoda kadomwe kemvura, chero kachibva pashizha," KaSvosve akachema.

Kana dova ranga raoma.

"Kana ndisina mvura, ndingafa," akachema KaSvosve. "Ndinofanira kuenda kurwizi, rwandakanzwa nezvarwo."

"Rwizi rwakazara uyezve rune simba. Runokuyeredza," akayambira tsindi.

Asi KaSvosve akanga ane nyota zvakanyanyisisa. "Ndingafa ndikasanwa mvura." Nokudaro akaenda kunotsvaga rwizi.

.

Akafamba muhuswa nemiti yakaoma.

Akafamba dzamara anzwa mvura ichifashuka. Rwaive rwizi! Akanzwa mafashamu.

KaSvosve akanwa mvura inotonherera yakawanda.

Akafara zvikuru zvekuti haana kuona mafashamu achiuya.

KaSvosve akaedza kubatira pahuswa. Asi akayeredzwa nemvura.

"Ndibatsirewo. Ndibatsireiwo kani!" akasheedzera.

"Kasika kwira," akadaro Njiva, akatakura sanzu nomuromo.

.

"Ndichagara pano kusvikira ndatenda njiva," akafunga KaSvosve. "Ndichamu mirira dzamara adzoka kuzonwa mvura."

Akamirira kudaro, pakasvika vakomana vaviri parwizi. Vaive nerekeni dzavo.

"Pane njiva hombe chena inouya kuzonwa mvura pano," akadaro umwe wevakomana. "Tichaiita chisvusvuro nhasi manheru."

.

"Handinga regeri vakomana vachiuraya Njiva," akafunga KaSvosve. "Asi ndiri mudikidiki, ndingaita sei?"

Ipapo Njiva akabhururuka kubva mumuti kuzonwa mvura.

.

KaSvosve akaronga zano.

Akakwakukira pagumbo reumwe wevakomana. KaSvosve akaruma mukomana iyeye zvakasimba.

Mukomana akakwakuka. "Maiwe!" akadaidzira.

Njiva akavhunduka akabhururuka achitiza.

Ndiwo matendero akaita KaSvosve kuna Njiva nekumuponesa kwaakaita.