Kade abantu bebangazi litho. Bebangakwazi ngitjho nokutjala iintjalo, namkha ukuthunga itjhila, namkha ukwenza iinsetjenziswa zesimbi.

UZimu uNyame uhlala phezulu emkayini unabo boke ubuhlakaniphi bephasi. Ububeke kuhle ngaphakathi kwepoto eyenziwe ngebumba.

Ngelinye ilanga, uNyame wathatha isiqunto sokobana uzokuthatha ipoto yokuhlakanipha ayiphe u-Anansi.

Ngaso soke isikhathi u-Anansi nakaqala ipoto yokuhlakanipha, bekafunda into etja. Bekukarisa khulu!

Ngokuba namarhamaru u-Anansi wacabanga wathi, "Ipoto le ngizoyithatha ngiyibeke esiqongolweni phezu komuthi omude. Bese ibe ngeyami ngingedwa." Waluka intambo ede, wayitantela epotweni yebumba ngemuva kwalokho wayibophelela emathunjini wakhe.

Wathoma wakhwela emthini. Kodwana bekunzima ukukhelwela umuthi nepoto imtjhayisa imbetha amadolo ngaso soke isikhathi.

Ngaso soke isikhathi indodana ka-Anansi engencani beyijama ngaphasi komuthi imbukele. Yathi kuye, "Uthi bekungeze kwaba lula ukukhwelela nangabe ubophelela ipoto emhlana?"

U-Anansi wazama ukubophelela ipoto ezele ukuhlakanipha emhlana, kwaba lula khulu.

Ngokukopeza kwelihlo besele afikile phezulu esiqongolweni somuthi. Kodwana wajama wacabanga, "Kufanele kube ngimi onokuhlakanipha koke, kodwana nakhu indodana yami ihlakaniphe ukudlula mina!"

U-Anansi wasilingeka khulu ngalokhu wathatha ipoto yebumba leya wayijikijela phasi.

Yasaphazeka phasi yaba ziincuntwana phasi. Ukuhlakanipha besele butholwa ngibo boke abantu ukobana babelane ngabo.

Le yindlela abantu abafunda ngayo ukulima, ukuthunga amatjhila, ukwenza iinsetjenziswa zesimbi nezinye godu izinto ezinengi abantu abakwaziko ukuzenza.