UFana banomndeni wakhe bahlala e-Debre Birhan, okulidorobho elimatasatasa khulu e-Ethiopia.

UFana umfundi weGreyidi-3. Unehliziyo ehle begodu uhlakaniphile.

UFana uthanda iinlwana. Unokatsu, iinkukhu ezimbili, imbuzi begodu nezuba.

Esikhathini esinengi uzihlalela nazo iinlwana lezi, uyazidlisa bese udlala nazo.

Ngelinye ilanga, uFana wabe azidlalela nabangani bakhe ejaradeni yesikolo lokha nakabona abentwana baphosa izuba ngamatje.

"Kubayini balimaza amazuba la?" watjho azibuza.

Walisa ukudlala wagijimela ebantwaneni abaphosa amatje.

Ekuthomeni abangani bakhe bebangazwisisi bona kwenzekani, nabo bamlandela."

Lisani ukuphosa amatje," kumemeza uFana.

Abanye abantwana beqa babaleka. UFana wabamba amazuba amabili alimeleko. Wabona amanceba emaphikweni wawo.

Wabona kungcono ukobana athathe amazuba amabili la akhambe nawo ekhaya ukobana ayowatjheja.

Wadlisa amazuba.

Ebusuku watjela umndeni wakhe ngalokho akubonileko nangalokho akwenzileko emini, nangendlela asindise ngayo amazuba.

Emini uFana nababelethi bakhe baya emtholapilo bathola imitjhoga yamazuba.

Ngemuva kwamalanga ambalwa, amanceba wamazuba aphola. UFana wazizwa athabile.

UFana vane atjele abangani bakhe ngaso soke isikhathi athi, "Ngiyazithanda iinlwana. Iinlwana zilisizo kithi begodu zibangani bethu.

Kufanele sizivikele begodu sizibulunge."