Ugogo uyeza uzokuvakatjha. Ngaso soke isikhathi nakezako uphathela uThabo amantongomani neenthelo zommango namkha isiphila begodu kwesinye isikhathi umphathela nekhabe.

UThabo naye ufuna ukupha ugogo into ekhethekileko.

Incwadi ingaba yihle, kodwana ugogo uyakwazi ukufunda?

Nange aya eentolo angamphathela into ehle?

"Asimenzeleni isikhwama esikhulu," kutjho uThabo amomotheka. "Isikhwama esikhulu esiqinikelo ngetjhila elihlaza sasibhakabhaka lebhokadi."

Umma ukhupha itjhila abalithenge esitolo. Undlala kuhle amaphetheni bewuthoma nokulisika.

Kokuthoma, uthoma ngamahlangothi amabili amakhulu nabanzi.

Ulandela ngamabili amancani ukobana ibe nejamo.

UThabo uyawathatha uyawabhinca womabili namahlangothi amabili amakhulu. Uqalile lokha umma nakakhupha iphetheni godu.

Usika kwangaphasi kuba ziintokana ezimbili ezide. Lokhu-ke ngikho okuzakwenza isikhwama siqine.

UThabo uyawabhinca lokha umma nakathatha iphetheni godu.

Usika amabhande amane abanzi begodu namade.

Mabili wawo azakuthungelelwa ndawonye ukwenza ibhande elilodwa. Lokhu kuzakwenza isikhwama siqine khulu.

Ngemva kwalokho umma ukhupha umtjhini wokuthunga.

Uhlanganisa iintokana zoke ukwenza isikhwama sakagogo.

Usinikela uThabo, uThabo wamomotheka wathi, "Ngiyathokoza mma, ngesikhwama sakagogo esihlaza sasibhakabhaka!"