Mbuya vaThabo vari kuuya koovhakacha. Peshe pavanovhakacha vanouya nemichero yemushango, makhebe kana mahlobo veihina Thabo.
Hino Thabo unodawo kuvahina chipo chakaseja yaampho.
Chipo chebhuku chinganaka asi kuti mbuya vanokona kurifunda ere?
"Ngativanasirire bhegi rebhuluu rakabaagwinya", Thabo unoqabanga einyemwerera.
Mai vanotora jira ravakatenga kuchitoro voripetenura votanga kucheka.
Vanoqaya kucheka nthiyi mbiri dzakafara nekukura.
Voteera doko mbiri dzinthani kuti riningirike zvakati mborhyoo.
Thabo unomapetera pamwe nenthiyi mbiri huru. Unoramba akaningira mai veiita phetenizve.
Vanocheka pashi paro kuita tambo mbiri dzakareba. Izvi zvinoita kuti bhegi ribaanase kugwinya.
Thabo unopeta machira mai veinasirisa muemero wawo.
Vanozochekazve machira marongomuna
akafara nekureba.
Mairi achasonwa kuita rimwe. Izvi zvinowedzera kugwinya kwebhegi.
Vanotora muchhini wavo wekusona.
Vanobatanidza zveshe zvavacheka veisona bhegi rambuya.
Vapedza vanorihina kuna Thabo. Thabo unonyemwerera eiti, "Ndinobonga mai ngebhegi rambuya rebhuluu!"