Kunɛ́yu ncɔ́ŋ yɛ pɛɛ kulúi welɛ.

Nnɔŋ kɑri yɛ toi ɑri kɛlenɛ kupɔ́mpi kusɛ kɛ́mɛɛ míni yɛnu ɑri lúni.

Picɔ ilukɛ hɔɔnɛ-hɔɔnɛ kɑri yɛ pɛɛ́ m mɛ̃́.

Ari sírɔ́yɔ hɑ́nɑɑnkɛɛ piyɑɑ nnyɑ.

Siwɑ̃́ mɛyɑ̃ ɑsi ísukuli léeni.

Pikpére ɑpi ɑyu ɑcɔ piŋmɛnkɛi tɔ́ŋɑɑnkɛɛpɔ.

Piŋmɑ́nɛ pin mɛ́woo kɔɔnii.

Picɔ pin picɔ sicɑrɛ lum.

Kuyɔ yɛɛ pɛɛ ɑ́tɛlɛ ɑléé kɛcɑ́ɑ́ sɑ́kɑisɛlɛ.

Akpɑ́pilɑ wɛlɛ kɑpi mɛ́woo nɛ mɛcɔ n sɑrii yɛɛ pɛɛ pisoi sehesilɛ.

Kupɔ́mpi mɛni ɑmɛ kɛyɑ́ɑ tɛnɛ ɑrɔ́cɑ́ri ɑɑ mɛŋmɑnɛ tonɛ.

Unɛ́sɑ́ɑ uu síyɔ kɔ́ɔ́nu uu pisoi cɑ́pinɛ.

Pisoi ɑpi tilééyiki cɑ́pinɛ ɑpi kutu cɔ.

Unɛ́sɑ́ɑ uu yisi uu rɛ: "Li pisɛ rɛ tɔkɛ́ kɛsẽ́ kɛisi tɔkɛ́ nɛ ntɔ́cɔ́ŋ pitɛ yɛ̃."

Ukpéré unyinɛ yɛɛ rilééyiki n tṹ uu cɑ́ɑ́i rɛ: "Nɛ̃́ nɛ́ pipéei lɛ̃́."

Unɔ́si ucɔ uu rɛ: "Pinɔ́si pikɛ́ kɑm tɔkɛ́ hɑ lukɛsi ɑri ilukɛ yɛnu."

Utisi unyinɛ uu yisi uu rɛ: "Pitisi pɔ́ɔ́ rɛ pɛ̃ nɛ́ kɛlúkɑnkɑ tṹ."

Ari ntɔ́nɛ́í cɑ́ɑ́i rɛ: "Li pisɛ rɛ tɔkɛ́ mɛfinɛ consɛ."

Kɑi nɛ kɛyɑ́ɑ kɛ̃ n kpíimɛ kɛsẽ́ kɑri yɛ kɛisi ɑrí nɛ ntɔ́cɔ́ŋ pɔisɛ.