Lelo ganjawula ku sukulu.
Lelo lyakupumula.
Lelo ngandolela kanema.
Kwangali magesi soni.
Ana cindende cici?
Lelo cimbikanile yacikuti cilu cangu!
Candanda cindame jiii kuti mbikane yacikuti cilu cangu.
Elo sambano ngukupikana kupumula kwangu.
Ngupumula cenenepe.
Soni ngukombola kupumula mwakusinganga ssssssssss!
Kwisa soni mwangali lisengwe mmmmmmmm.
Sambano ngupikana kugunda kwa mtima!
Titii tii tii.
Ana mpaka ngombole kuwutendekasya mtimawu kuti ugunde mwakuwutuka ni mwakunyanyika?
Elo pakuguluka mwinani ni kutula pasi kwakwana makumi gawili.
Sambano mnole mtima wangu ukugunda mwakuwutuka.
Naga mkutwinicisya yala yangu pa mtasi wa pamalumbiko ga ligasa lyangu, ngupikana katute ka myasi jangu.
Ngupikana kuseka kwangu.
Haha, haha, haaah, haaa!
Ngupikana kulila kwangu.
Mamanee! Mamanee!
Ngupikana naga namsyene ndili mkukwata myala mwangu.
Pwa, pwa, pwa.
Ngumupikana m'citumbo mwangu muli mkuguluma!
Gululu, gululu
M'citumbo mwangu mukuŵeceta, "Mundisye!"
Mbula syangu sikupikana kununjila kwa yitumbuwa yakuteleka mama ku kicini.
Sambano ngusaka kupikana majeje gangu gali mkutawuna yitumbuwayo!