Aji nganiji ja ce Kipa ni malo gaŵo gakulelela yinyama yamasije.

M'mwesi wa Ogasiti ce Kipa ni acimijawo ŵakwakamucisya masengo gatupile mnope pa malo gawoga.

Akite ŵa caka cimo ni ŵaliji ŵandanda kuyika.

Ŵayice pa cigalimoto cakalakala canakasamba.

Ce Kipa ni ŵakamula nawo masengo ŵatendele canasa Akite.

Ŵaliji ŵaganda soni ŵangasengwa.

Nambo pangakaŵilisya, Akite ŵapatile macili. Ŵatandite kung'anda ni acimijaŵo pamalopo.

Lyuŵa line m'mwesi ŵa Ogasiti ndege jatusile pamalopo.

Ce Kipa ni ŵakwakamucisya masengo ŵawo ŵaŵutucile pasa.

Mu ndegemo mwaliji mwana kandembo kamwana kaŵakawunicile libulangeti.

Ŵaliji a Ndiŵa. Ŵakwete moŵa msanope. Ce Kipa ŵamwesisye a Ndiwa mkaka ni libotolo.

Jwamasije jwatatu m'mwesi ŵeleŵo ŵaliji a Maleya. Ŵayice pamalopo pa telekitala jecenjeŵu.

Ŵalakwewo ŵakwete myesi msano ni umo.

A Maleya ŵatesile umbusanga ni a Enkale mwanace jwa njati.

Ŵajawulaga kwine kulikose yalumo.

Cilo cine, ŵaliŵose ŵajimwice ligongo lya kuyika kwa Ambiya.

Ambiya ŵaliji ŵa myesi msano. Nganakola macili ligongo ŵajesile mkuli welewu.

Ligongo lya ulewu wa lukosi lwa Ambiya, ce Kipa ŵayikaga libotolo mwinani pakwamwesya ŵalakwewo.

Tumaŵila twamwana, Abeii ni a Moyiti, ŵakopocele pasikati pa mwesi wa Ogasiti.

Asi ngolombwesi syaliji syanapangwape. Syaliji syakulwala mnope.

Ŵaliŵose ŵadandawile ni kuwa kwa Abeii pali pamasile cijuma cimope ciyicile pamalopo.

Nambo ce Kipa ni ŵakamula nawo masengogo ŵakulupwisye a Moiti.

Ŵamasije ŵakumalisya kuyika mu mwesi wa Ogasiti ŵaliji a Kopi, a Kepi ni a Keji.

Jemanjaji ŵakwete yijuma yiŵili. Ŵayive jili jakwete isala mnope.

Ce Kipa ni ŵakwakamucisya masengoga akusayinonyelaga yinyama yosope ni yagujumba yakwe.

Ŵakusausya mnope ŵaliji a Loboliya.

Loboliya ŵanonyelwaga kusisa magalasi ga ce Kipa.

Ŵandu ŵa pamalopa ŵalimbicilaga kusamalila tuŵanace twa yinyamatu.

Ŵaganisyaga kuti iyuŵa line ŵanace ŵa yinyama ŵamasijeŵa cacilikamucisya acimisyene. Kele katemako caciwujila ku ukweti.

Yikwete yaka yilingwa soni yipali yilingwa? M'ŵalanje soni nganijo ni kwanga mawusyo aga.

1. Ana yinyama yilingwa yiyayice pamalopo m'mwesi wa Ogasiti?
2. Ŵani ŵaŵayice kundanda m'mwesi ŵeleŵu?
3. Nambi ŵakwete yaka yilingwa?
4. Ŵani ŵaŵamalicisye kuyika? Nambi yakwete yaka yilingwa yele yinyamayi?
5. Yinyama yaci yiyaliji yamwana mnope yiyayice m'mwesi ŵa Ogasiti?
6. Nambi yakwete yaka yiligwa?
7. Nyama jaci jijaliji jekulungwa mnope jijayice m'mwesi ŵa Ogasiti?