Kalaka pa kam'gunda kamwana kakuŵandikana ni kamusi kamwana.

Paliji pana kanguku kamwana lina lyakwe Adese.

"Pacinjikulapo ngusaka cinguluce mwinani mwinani mpaka kumaunde," ŵatite m'yo Adese.

Nambo nguku syosope syasecile ŵelewo.

"Mmwe ŵamangwengwe," syatite m'yo nguku sinesyo, "Ngasitung'anda soni ni mmwe."

"Adese, uwe mpaka tukombole kutambasukula mapapiko nambo yikusaŵa yakusausya mnope kuti nguku siguluce," ŵatite m'yo Mama ŵawo Adese.

Adese nganalecela papopo. Lisiku lililyose ŵalinjisyaga pajika kupulaga ni mapapiko gawo, kupa kupa kupa.

Ŵakupulaga ni mapapiko gawo nambo ŵalepelaga kuguluka.

Ndema jaŵalinjisyagajo ŵaliganicisyaga ali mkuguluka mwinani kumaunde ni kusilolaga nguku sine sili pasi.

Ŵaliganikisyaga ali mkuguluka kuipunda yijuni. "Mlole Ijuniyo mpaka yijile." "Nguku jakupakombola kuguluka mwinani."

M'yoyo, lyuŵa lililyose Adese ŵaliji ali mkukupula ni mapapiko gawo kupa kupa kupa.

Ŵakombolaga kulinyakula kutyocela pasi nambo nganakaŵaga kutula soni.

"Ata pajile ulingasingombola kunguluka!" Adese ŵalisile kwa Mama ŵawo.

"Ŵanewo akuŵeceta yisyene."

"Adese, mmwejo mlekangene ni nguku sine. Nguku sinesyo ngasikusosa kuguluka nambo mmwe mkusaka! Mpaka mkombole," Mama ŵatite m'yo.

Lyuŵa lijakwe Adese ŵakwesile pa msakasa wa citundu ca nguku ni kupulaga ni mapapiko gawo kupa kupa kupa.

Ŵagulwice mwinani ni kupulaga nimapapiko gawo ni kupulaga mapapiko gawo, ni kupulaga ni mapapiko gawo kaneko…

Nyukutu!

Nguku sine syasecile mwakwesya maloŵe.

"Ha ha ha! Twamsalile mmwee! Nguku syangaguluka!"

Nambo lyuŵa linelyo Adese ŵakwesile pa katobwa pa msakasa wa nyumbajo. Kupa kupa kupa Adese ŵakupwile nimapapiko gawo.

Ŵagulwice mwinani ni kupulaga ni mapapiko gawo ni kupulaga ni mapapiko gawo, ni kupulaga ni mapapiko gawo ni…

Ŵajendelecele kuguluka! Mbepo ja kusi kwa mapapiko gawo japujile ni macili ni ŵagulwice kuja mwinani ni kulunda soni kuja mwinani!

Yijuni yatite, "Yakusimonjesya! Nguku jakuguluka!"

Nombe nguku sine sila syasacile kuti siŵe mpela Adese.

Syatite, "Ukwi Adese, mmwejo ŵakusimonjeka!"