Aŵa mbasambizgi ŵane.
Zina lawo Mbasambizgi ŵa Akinyi.
Ŵakutitemwa comene.
Ŵasambizgi ŵa Akinyi ŵakutisambizga vilembo vya mazgo (afabeti).
Ŵakutisambizga vilembo ivyo tingavizunula (mavawelo).
Ningazunula vilembo ivi a, e, i, o, u.
Ŵasambizgi ŵa Akinyi ŵakutisambizga mitundu ya vinthu.
Nkhumanya mtundu wuswesi, wabulu, wabiriwiri, wayelo na wufipa.
Nyengo yakugona, Ŵasambizgi ŵa Akinyi ŵakutiyimbira sumu kuti tigone.
Ŵakutiyimbira sumu yakutipangiska kuti tigone.
Sumu yikwimbika nthena:
Khukhukhu zira, khukhukhu zira
Nkhunguni zaluma, zaluma mwana wane
Mwana wane msungwana, khukhukhu zira
Mugone makola, khukhukhu zira.
Khukhukhu zira, khukhukhu zira
Nkhunguni zaluma, zaluma mwana wane
Mwana wane msepuka, khukhukhu zira
Mugone makola, khukhukhu zira.
Ŵasambizgi ŵa Akinyi ŵakumanya vidokoni vinandi.
Dazi lililose ŵakutiphalira cidokoni casono.
Pa Mande, ŵakutiphalira vidokoni vyakuyowoya za ŵanalume awo ŵalikucita vinthu vyakuzirwa.
Pa Ciŵiri, ŵakutidumbira vidokoni vyakuyowoya za ŵanakazi awo ŵalikucita vinthu vyakuzirwa.
Pa Citatu, ŵakutidumbira vidokoni vyakuyowoya zamendero.
Pa Cinayi, ŵakutidumbira vidokoni vyakuyowoya za ulimi.
Pa Cinkhondi, tikuyowoya vidokoni vinthu.
Ŵasambizgi ŵithu mbasambizgi wawemi comene calo cose capasi!
Pala nakula, nkhukhumba nizakaŵe ngati Ŵasambizgi ŵa Akinyi.