Dazi linyakhe, amama ŵakagula vipaso vyakupambana pambana.
"Kasi tiryenge nyengo wuli vipaso?" tikafumba.
"Tiryenge namise vipaso," ŵakazgola amama.
Mdumbu wane Rahim nimuryezi.
Wakalumako vipaso vyose. Wakarya vipaso vinandi.
"Wonani ivyo wacita Rahim!" wakakalipa mdumbu wane mdoko.
"Rahim wanankhalo yiheni kweniso ngwakujikuzga," nkhayowoya nthena.
Amama ŵakakwiya comene na ivyo Rahim wakacita.
Nase tikamukwiyila Rahim.
Kweni Rahim wakalongolapo kususkika yayi.
"Mumupenge cilango Rahim?" wakafumba mdumbu wane mdoko.
"Rahim, ulengenge lusungu sonosono apa," amama ŵakamucenjezga.
Rahim wakamba kupulika kulwara.
"Munthumbo mukuŵinya," wakayowoya pasipasi Rahim.
Amama ŵakamanya cifukwa ico Rahim wakalwarira.
"Vipaso vikumulanga Rahim," ŵakaghanaghana.
Pawumaliro, Rahim wakatiphepiska. "Nizamucitaso uryezi yayi," wakalaghizga.
Tose tikagomezga ivyo wakayowoya.