Mwahuno nilutenge yayi kusukulu.

Ni dazi lakupumula!

Mwahuno nilaŵilirenge yayi sinema.

Kulije magesi.

Sono nicitinge vici?

Mwahuno nipulikizgenge thupi lane!

Cakwamba, nikhale dankha cete.

Kuti nipulikizge thupi lane.

Enya, sono nkhupulika mathutiro ghane.

Nkhuthutira mkati na kuwalo, mkati na kuwalo.

Ndipo ningapanga kuti mathutiro ghane ghawe ghaciwawa. Ssssssssssss!

Na pasipasi. Mmmmmmmm.

Sono nkhupulika kutchaya kwa mtima wane!

Duu, duu, duu.

Kasi ningawupanga mtima wane kuti utchayenge mwaluwiro panyakhe mwakukwezga?

Enya, pakudukira mcanya makhumi ghawiri.

Sono mtima wane ukutchaya mwaluwiro.

Pala naŵika njowe zane pa woko lane, nkhupulika umo ndopa zane zikucimbilira.

Nkhupulika kuseka kwane,

Haha, haha, haaah, haaa!

Nkhupulika kulira kwane.

Boohoooo hooo!

Nkhupulika kukuŵa kwa mapi kwane.

Khwa, khwa, khwa.

Nkhupulika kulira kwa mnthumbo mwane!

Guguluu, guguluu, guguluu.

Nthumbo yane yikuyowoya kuti, "Niryeseni!"

Mphuno yane yikununkhizga cikondamoyo ico cikuphikika mukhicini la ŵamama.

Ndipo sono nkhukhumba nipulike cibwanyu cane cikusumba cikondamoyo!