Iyi ni nkhani ya Msungi na nazare yakhe yakupwelelerako nyama zilanda.

Ogasiti ukaŵa mwezi uwo Msungi na ŵanyakhe ŵakatangwanikanga comene ku nazare.

Wakayamba kufika ni Mkite wacaka cimoza.

Wakiza pa thilaki yakale ya biliŵili.

Msungi naŵanyakhe ŵakamucitira citima comene Mkite.

Iye wakaŵa wakughanda comene kweniso wambula kukondwa.

Kweni kwambula kukhaliska, Mkite zikizamo nkhongono.

Iye wakayamba kuseŵera na nyama zinyakhe ku nazare.

Dazi linyakhe mwezi wenewuwo wa Ogasiti, ndege yikadeka panazare yakupwelelerako nyama.

Msungi naŵanyakhe ŵakacimbilira kuwalo.

Mundege mukaŵa zovu yicoko iyo ŵakayidikiska bulangete.

Wakaŵa Ndiwa. Iye wakaŵa na madazi yankhondi. Msungi wakaryeskeranga Ndiwa mubotolo.

Mulanda wacitatu mwezi uwo wakaŵa Malea. Iye wakiza pa thilakitala yiswesi. Wakaŵa na miyezi yinkhondi na umoza.

Kwambula kukhaliska, Malea uyo ni cipembele wakapanga ubwezi na Enkare, mwana wa njati.

Ŵakalutanga kulikose lumoza.

Usiku unyakhe, ŵose ŵakauka cifukwa cakufika kwa Ambia.

Ambia wakawa namiyezi yinkhondi.

Iye wakafooka comene cifukwa ca ulendo wakhe wutali.

Cifukwa ca singo lakhe litali, Msungi wakakwezganga botolo mcanya pakumuryesa Ambia.

Twamuleza tucokotucoko Abei na Moit tukafika pakati pa mwezi wenewuwo wa Ogasiti.

Mbawala izi zikababika dazi lenelilo. Zikaŵa zilwali comene.

Waliyose wakaŵa na citima comene nakufwa kwa Abei pakati pajumpha sabata yimoza wakati wafika.

Kweni Msungi na ŵanyake ŵakamponoska Moit.

Ŵalanda ŵaumaliro kufika mu Ogasiti ŵakaŵa Kopi, Kepi na Keji.

Iwo ŵakaŵa na sabata ziŵiri. Ŵakaŵa na njala comene apo ŵakafikanga.

Msungi na ŵanyakhe ŵakatemwanga nyama zose, natwakusuzga wuwo.

Kamwana kakusuzga comene kakawa ka Lobolia. Iko kakatemwanga kubisa magilasi ya Msungi.

Ŵanthu wakugwira nchito ku nazare ŵakalimbikilanga comene kulela tuŵana twanyama.

Ŵakagomezganga kuti dazi linyake ŵalanda awa ŵangazakajiyimira paŵekha. Ndipo ŵangazakawelera kuthondo.

Ŵana vyaka vilinga ndipo mbalinga? Wazganiso nkhani iyi nakuzgola mafumbo agha.
1. Kasi ni nyama zilinga izo zikafika kunazare mu mwezi wa Ogasiti?
2. Kasi ni njani wakayamba kufika mwezi uwo?
3. Kasi nyama iyi yikaŵa na vyaka vilinga?
4. Kasi ni nyama zini zikafika pa umalilo? Zikaŵa na masabata yalinga?
5. Kasi ni nyama zini izo zikaŵa zicokozicoko comene pakufika mu mwezi wa Ogasiti?
6. Kasi zikaŵa namazuŵa yalinga?
7. Kasi ni nyama njini iyo yikaŵa yilala comene pakufika?