Nkhuku na Bongololo ŵakaŵa pa ubwezi. Kweni nyengo zose ŵakaphalizgananga.

Dazi linyankhe ŵakakolerana kuti ŵakatimbe bola lamalundi kuti uyo wakumanya bola wamanyikwe.

Ŵakaluta pamalo ghakutimbirapo bola na kwamba kutimba bola. Nkhuku yikatimbanga mwaluŵiro, kweni Bongololo wakatimbanga mwaluŵiro comene.

Nkhuku yikatimbira bola kutali, kweni Bongololo wakatimbira kutali comene. Nkhuku yikayamba kukwiya.

Ŵakakoleranaso kuti ŵatimbe bola lakuhozga vigoli pera. Bongololo wakaŵa wakwamba kukhala pagolo. Nkhuku yikahozgapo cigoli cimoza pera.

Nyengo yakuti Nkhuku yikhale pagolo yikafika.

Bongololo wakatimba bola na kuhozga. Bongololo wakachita njomba na kuhozga. Bongololo wakatimbaso bola na mutu na kuhozgaso.

Bongololo wakahozga vigoli vinkhondi.

Nkhuku yikakwiya cifukwa yikatondeka. Yikazomerezga yayi kuti yatondeka.

Bongololo wakamba kuseka cifukwa mubwezi wakhe wakamba kulirira wati watondeka.

Nkhuku yikakwiya comene mwakuti yikayasama kumlomo na kujompha na kumumira Bongololo.

Apo nkhuku yikaweranga kunyumba, yikakumana na Ŵanyina Bongololo. Ŵanyina Bongololo ŵakayifumba, "Kasi wamuwonako mwana wane?"

Nkhuku yikazgola cilicose cala. Ŵanyina Bongololo ŵakafipa mtima.

Ndipo Ŵanyina Bongololo ŵakapulika tumazgo twapasipasi. "Amama nivwirani!" mazgo ghakacemerezga.

Ŵanyina Bongololo ŵakalaŵiska uku na uku na kupulikizga comene. Mazgo ghakafumiranga munthumbo mwa nkhuku.

Ŵanyina Bongololo ŵakacemerezga ŵakati, "Gwiriska nchito nkhongono zako zapadera mwana wane!"

Bongololo wakufumiska sungo liheni kweniso wakupulikikwa uheni mumlomo. Nkhuku yikayamba kupulika kulwala.

Nkhuku yikageya. Ndipo yikamira na kuthunyaso. Ndipo yikayethyemula na kukhosomola. Yikakhosomolaso comene.

Bongololo wakapulikwika uheni mumlomo!

Nkhuku yikakhosomola mpaka paumaliro yikamukhosomolera kuwalo Bongololo.

Ŵanyina Bongololo na mwana wawo wakakwera mukhuni na kubisama.

Kufuma penepapo, nkhuku na bongololo wakayamba kutinkhana.