Chilangu
Adelheid Marie Bwire
Melany Pietersen
Chitonga (Malawi)

Zuwa limoza, Ama angugula vipasi vakupambana pambana.

1

Tinguŵafumba Ama tinguti, "Kumbi tilyengi so zuŵanji vipasi?"

"Mazulu nganu tikalyanga vipasi," Ama angumuka.

2

Muvulwa wangu Lahima ndi musyoli.

Wangulaŵa vipasi vosi. Wangulya mwakujumpha muyesu.

3

"Awonani vo wapanga Lahima!" muvulwa wangu mumana wangubanguwa.

"Lahima ngwakusuzya ndipuso ndimusyoli," ndingukonkhosya.

4

Ama angukwiya nayu Lahima.

5

Tosi tingumukwiyiya Lahima.

Kweni Lahima wanguphepesa cha.

6

"Ama kumbi mumuthyapuwengi Lahima?" wangufumba muvulwa wangu mumana.

7

"Lahima, uphepesengi sonusonu," Ama angumuchenjeza.

8

Lahima wangwamba kuvwa kutama.

9

"Ndituvwa mumoyu muŵaŵa," wangutokotosa Lahima.

10

Ama anguziŵa chifukwa chaki chenicho Lahima wangutamiya.

"Chipasi chitimulanga Lahima," Ama anguŵanaŵana viyo.

11

Pa umalilu, Lahima wangutiphepesa tosi. "Ndizamuchita usyoli so cha," wangulayiza Lahima.

Tingugomezya kuti wakambanga unenesya.

12
You are free to download, copy, translate or adapt this story and use the illustrations as long as you attribute in the following way:
Chilangu
Author - Adelheid Marie Bwire
Translation - Pilirani Kamanga, Winfred Mkochi
Illustration - Melany Pietersen
Language - Chitonga (Malawi)
Level - First sentences
© African Storybook Initiative and Molteno Institute 2014
Creative Commons: Attribution 4.0
Source www.africanstorybook.org
Original source