Musanawale ndikengi cha kusukulu.
Ndi zuŵa lakupumuwa.
Musanawale ndiwoneliyengi TV cha.
Magesi ngabuka cha.
Ndichitengi vinthu uli?
Musanawale ndivwisiliyengi liŵavu langu.
Chakwamba nditenele kuja cheti.
Kuti ndivwisiliyi liŵavu langu.
Hinya, ndingavwisiliya kututa kwangu.
Ndituta, ndituta.
Ndingachita chiwawa pakututa. Sssssssssssss!
Ndingatuta kamanakamana. Mmmmmmm!
Sonu ndituvwa kututa kwa mtima wangu.
Khu khu khu khu.
Ndingatuta mwaluŵi panyakiso ukongwa?
Hinya, pakundwika kakukwaniya matchumi ngaŵi.
Sonu lelesani, mutima wangu ututa mwaluŵi.
Asani ndayika vikumbu vangu pa fundu la janja, nditijivwa kututa.
Nditijivwa kuti ndiseka.
Hahahahahahaha!
Nditijivwa kuti ndiliya.
Chwe chwe chwe chwe!
Nditijivwa kuti nditomba manja.
Phwaa, phwaa, phwaa.
Ndituvwa kuliya kwa mumoyu mwangu.
Gurrrrrrrrrrrrrrrrr.
Mumoyu mwangu mutiti, "Ndilisyeni!"
Mphunu zangu zifwenkheza keki kutuliya kukhichini.
Sonu ndipenja kuvwisiya njegheyu zangu zitafunya keki.