Iyi ndi nkhani ya Musunginyama ndi malu ngo waphweleliyangaku nyama zambula apapi.

Mwezi wa Qgasiti wenga wanthangwanika kwa Musunginyama ndi ŵakumuovya kumalu kwakuphweleliyaku nyama.

Mukiti wa chilimika chimoza ndiyu wangwamba kuza. Wanguza pagalimoto ya mtundu wa gilini.

Musunginyama ndi ŵakumuovya ŵangumuvwiya lusungu Mukiti.

Wenga mumana liŵavu ndi wambula kukondwa.

Kweni pambula kujalisa, Mukiti wanguŵa ndi nthazi.

Wangwamba kuseŵe ndi nyama zinyaki.

Zuwa linyaki mu Ogasiti kunguza ndegi ndipu ingubota ku malu ngakuphweleliyaku nyama.

Musunginyama ndi ŵakumuovya ŵangutchimbiliya kubwalu.

Mundegi mo mwenga njovu imana yo yingudikika bulangeti.

Zina laki lenga Ndiwa. Ndiwa wenga ndi mazuŵa ngankhondi.

Musunginyama wangumupasa Ndiwa mukaka wamubotolu.

Mwana mulanda wachitatu yo wanguza mumwezi wenuwu wenga mwana wa chipembeli.

Wadanikanga zina lakuti Maleya.

Wanguza pa malu ngakuphweleliyapu nyama mugalimotu yiyela.

Pambula kujalisa Maleya wanguja pa ubwezi ndi Ekale, mwana wa njati.

Iwu ŵalutanga limoza kwekosi.

Zuŵa linyaki usiku, weyosi wanguyusika ndikuza kwaku Ambia.

Ambia wenga ndi myezi inkhondi.

Wenga wambula nthazi chifukwa chakuti ulendu waki wenga utali.

Chifukwa cha khosi laki litali, Musunginyama wamukoliyanga botolu laki muchanya pakumulisya.

Ŵamuwoli amana liwavu wo ŵenga Abei ndi Moiti ŵanguza pakati pa mwezi wa Ogasiti.

Atungwa ŵenaŵa ŵenga ŵakuti ŵawaku waka. ŵenga akutama ukongwa.

Weyosi wenga ndi chitima penipo Abei wangutayika wati waza waka.

Kweni Musunginyama ndiŵakumuwovya angukwanisa kumutasya Moiti.

Nyama zambula apapi zo zinguza mwa umalilu mu mwezi wa Ogasiti zenga Kopi, Kepi ndi Keji.

Nyama zenizi zenga ndi masabata ngaŵi. Zenga ndi nja ukongwa zichiza waka.

Musunginyama ndi ŵakumuwovya aziyanjanga nyama zosi, ndi zenizo zenga zamphuvya viyo.

Mwana wamphuvya ukongwa wenga Lobolia.

Lobolia wayanjanga kubisa magilasi ngaku Musunginyama.

Ŵanthu akumalu kwakusungiya nyama ŵakonga ntchitu ukongwa pakuphwelele nyama zimanazimana.

Ŵenga ndi chigomezyu kuti zuŵa linyaki nyama zo zezemujiphwelele zija. Ndipu zezemuwele ku dondu.

Ŵerengani nthanu iyi kachiŵi ndipu mumuki mafumbu anga.
1. Kumbi zenga nyama zilinga zo zinguza kwakusungiya nyama mu mwezi wa Ogasiti?
2. Kumbi yo yinguza mwakwamba mumwezi weniwo yenga niyi?
3. Kumbi yenga ndi vyaka vilinga?
4. Kumbi yo yinguza mwaumalilu yenga niyi?
5. Kumbi zenga nyama zimanazimana nizi zo zinguza mu mwezi wa Ogasiti?
6. Kumbi zenga ndi vyaka vilinga?
7. Kumbi ndi nyama niyi ila inguza mu mwezi wa Ogasiti?