Nyoli ndi Bongolo ŵenga pa ubwezi. Kweni nyengu zosi achitilananga maphala.

Zuŵa linyaki anguŵanaŵana kuchita maphala ngakutchaya bola kuti asaniyi wakutchaya umapha.

Anguluta kumalu kwakuchitchayiya bola. Nyoli inguyesesa kutchimbiya, kweni Bongolo ndiyu wenga panthanzi.

Bongolo watchayiyanga patali kuphala Nyoli. Nyoli ingwamba kudunda.

Ŵanguŵanaŵana zakutchaya mapenoti. Pakwamba Bongolo wenga wakuko pagolu. Nyoli ingutchonesa chimoza pe.

Sonu yenga nyengu yaku Nyoli kuchiko pagolu.

Bongolo wangutchaya bola ndikutchonesa. Bongolo wanguzanthisa bola ndikutchonesa. Bongolo wangutchaya bola ndi mutu ndikutchonesa.

Bongolo wangutchonesa vigoli vinkhondi.

Nyoli ingudunda pakuti ingutondeka ukongwa.

Bongolo wangwamba kuseka chifukwa mubwezi waki wachitanga vinthu vakusekesa.

Nyoli yingudunda ukongwa mwakuti inguyasamuwa kumulomu kwaki ndi kumumelemeza Bongolo.

Nyoli yichiluta kunyumba ingukumana ndi anyina aku Bongolo. Anyina aku Bongolo anguyifumba, "Kumbi wamuonaku mwana wangu?"

Nyoli ingumuka kekosi cha. Anyina aku Bongolo angufipa mtima.

Pavuli paki Anyina aku Bongolo anguvwa timazyu timanatimana. "Ama ndiovyeni!" ndimu tinguvwikiya timazyu to.

Anyina aku Bongolo angupenjapenja kweniso anguvwisiya umapha. Mazyu ngavwikiyanga mu moyu mwaku Nyoli.

Anyina aku Bongolo angubanguwa, "Gwilisya ntchitu nthazi zaku zapade mwana wangu!"

A Bongolo atuza fungu liheni ndipu ŵavwika umaphacha mumulomu. Nyoli ingwamba kuvwa kutama.

Nyoli ingubegha. Ingumeza mata ndikuthunya. Pavuli paki inguyethyemuwa ndikukhosomo. Ingukhosomo so.

Bongolo wanowapu cha.

Nyoli ingukhosomo mphaka kumuwukuwa Bongolo.

Bongolo ndi Anyina ŵangukwela muchimiti kuchibisama.

Kutuwa pa zuŵalo, nyoli zosi ndi a Bongolo atinkhana uheni.