Mwishugu nthapobukako ku sukulu.

Kuli holide!

Mwishugu nthapoketelelapo vidiyo.

Amagesi gope gazimile.

Nosi nkhupobombangaci?

Mwishugu nkhupogupilikisha umbili wangu!

Ichakwanda, nkhulonda nje myee.

Ukuti mphilikishe umbili wangu.

Ena nosi khupilika utuya kwangu.

Nkhutuyila mukati na panja, mukati na panja.

Kangi ninkhapangisha ukutuya kwangu icongo. Ssssssssssss!

Kangi nu tontha. Mmmmmmm.

Nosi nkhupilika indumbula yangu yukung'untha!

Kuukuumu, kuukuumu, kuuu kuuumu.

Ka ninkhapangisha ukuti ndumbula yangu yituye fiyo pamo yituye ni congo?

Ena, linga ninkhanyela mwanya na pasi kofyana makumi mabili.

Keta nosi, indumbula yangu yutuya fiyo fiyo.

Linga nabika inyobe shangu pa ciboko ningapilika ukuntha.

Nkhwipilika nemwene useka.

Haha, haha, haaah, haaa!

Nkhwipilika nemwene ulila.

Hiihiiii hiii!

Nkhwipilika nemwene ukuba maboko.

Pwa, pwa, pwa.

Nkhwipilika nemwene mulwanda lwangu ukuluma!

Gulu, gulu, gulu.

Ulwanda lwangu lukumbula ukuti, "Ndyesha!"

Mphuno shangu shu nusha ikeke lilyo umama wangu obeka mukhicini.

Kangi nosi nkhulonda mphilikishe figamu fyangu fyutafunya keke.