Aka ko kapango ka Keeper ni nasale yake ya finyamana ifipina.

Ogasiti wali mwesi wotangwanisha fiyo kwa Keeper na batuli bake pa nasale.

Mkite uwa cinja cimocene yo ali wakwanda ukufika.

Alisile mwithalaki ilikulu lyo bilibila.

Keeper na batuli bake bamupelile cisa fiyo Mkite.

Ang'andile kangi apelile cisa.

Loli bo kakindile kabalilo kanandi, Mkite agagile maka.

Alyandile ukwangala ni finyamana finyake ifya pa nasale.

Pisiku linyake mu mwesi wa Ogasiti, helikoputa yatelile pa nasale.

Keeper na batuli bake bakindilile panja.

Mu helokoputa mwali mwana wa sofu yuyo akupikiliwe ni bulangete.

Ali yo Ndiwa. Ali wamasiku mahano itolo.

Keeper amulyeshaga Ndiwa ni botolo.

Umpina wabutatu mu mwesi wa Ogasiti ali yo Malea.

Afikile pa nasale pa thalakitala ikesefu. Ali wa miyesi yihano na wumowene.

Mulea ucipembele pakabalilo kanandi alimumanyani wa Enkare, umwana wa mbogo.

Babukaga kulikosa lumolwene.

Ubusiku bumo, aliwesa anyamusiwe nukufika kwa Ambia.

Ambia ali wa miyesi yihano itolo.

Atali na maka nongwa ya bulendo butali.

Nongwa yakuti ali nu lukosi lutali, Keeper akwesha botolo mwanya ukuti amulyeshe Ambia.

Tumapasa tunandi Abei nu Moit twafikile mukati mwa mwesi wa Ogasiti.

Mphombo isi syali syakuti syakinda ama awala manandi itolo ukufuma papo syapapiliwe. Syali sibine fiyo.

Aliyosa adandabwile ni nifwa ya Abei panongwa yakuti alikelepo usabata yumoywene mutupu pa nasale.

Loli Keeper nabatuli bake bamupokile Moit ku nifwa.

Abapina babumalilo ufika mu mwesi wa Ogasiti bali yo Kopi, Kepi nu Keji.

Utwana twa libole utu twali nabasabata babili ukufuma akabalilo kako twapapiwe. Twali ni njala fiyo bo tukufika.

Keeper nabatuli bake bafiganile finyamana fyosa, nalinga fifyo fyali fyutamya.

Umwana uyo akatamya fiyo ali yo Lobolia.

Lobolia akigana pofisa magalasi ga Keeper.

Abandu ba pa nasale biyipaga fiyo pakuketelela utwana twa finyamana.

Bali nulusubilo ukuti isiku limo abapina basakwisunga bene. Popapo bakwisa kugomokela ku lisu.

Fyali ni finja filinga kangi fyali filinga? Belenga sona akapango kangi mwamule amalalusho gago gali pasi apa.
1. Finyamana filinga ifi fyafikile mu mwesi wa Ogasiti?
2. Yonani afikile pabwandilo mu mwesi ugu?
3. Ali ni finja filinga?
4. Finyamana fiki ifi fyafikile pabumalilo? Fyali ni finja filinga?
5. Finyamana fiki ifikeke fiyo ifi fyafikile mu mwesi wa Ogasiti?
6. Fyali ni finja filinga?
7. Cinyamana cici ici cali cikulumba pafyosa ici cafikile?