Ka Iwa je ne.
Iwa ngi ken ya u i. Iwa tema ken ya na.
Tsô orgen va mande wegh sha hunda.
Iwa bugh hunda.
Iwa nenge a or nan lu iyol agbedaang.
Iwa pine er, "Ka we ana ne?"
Ka Kpatema. Kpatema ngu iyol agbedaang.
Ityough ki Kpatema ki agbedaang.
Iche i Kpatema ngi agbedaang.
Akase-aveegh a Kpatema nga agbedaang.
Akev-aveegh man ajime-aveegh a Kpatema nga agbedaang.
Zwa u Kpatema ngu agbedaang. Ihinga i Kpatema ngi agbedaang.
Ato a Kpatema nga agbedaang. Ashe a Kpatema nga agbedaang.
Iwa pine er, "Er nan iyol you cii i hingir agbedaang nahana?"
Kpatema kaa er, "M fa ga."
Iwa pine er, "Ka hana ashen u lu?"
Kpatema kaa er, "M lu sha makeranta."
Iwa pine er, "Hanmô makeranta?"
Kpatema kaa er, "Makeranta u shin wan-gar u kiriki la."
Iwa pine er, "Ka hanmô shie shen u lu sha makeranta?"
Kpatema kaa er, "M lu sha makeranta pepe."
Iwa pine er, "Ka nyi ashen u lu eren sha makeranta?"
Kpatema kaa er, "Ashen m lu yaven."
Iwa pine er, "Ashen u lu yaven sha makeranta?! Ka han ashen u lu yavena?"
Kpatema kaa er, "Ashen m lu yaven ken kungur u makeranta."
Iwa er mhen. Iwa nger kwagh. A nger kwagh sha kwa ruamabera.
Ana: Kpatema
Hana: ken kungur u makeranta
Hanmô makeranta: makeranta u shin wan-gar u kiriki la.
Hanmô shie: pepe ne.
Nyi: yaven.
Ityôkyaa:?
Tsô Kpatema kaa er, "Ashen m lu sha makeranta tswen ga. Orgen kpaa ashen nan lu."
Iwa pine er, "Ka an ugen kpaa ashen nan lu sha makeranta?"
Kpatema kaa er, "Nor-tar ashen a lu sha makeranta."
Iwa pine er, "Nor-tar ashen a lu eren nyi?"
Kpatema kaa er, "Nor-tar ashen a lu ishin mar."
Iwa pine er, "Nor-tar a lu ishin mar sha nyi?"
Kpatema kaa er, "Nor-tar a lu ishin mar sha kpekpe u makeranta."
Iwa pine er, "Ashen Nor-tar a lu ishin mar sha kpekpe u makeranta nena?"
Kpatema kaa er, "Nor-tar a lu ishin mar sha kpekpe u makeranta a zege chagh..."
Kpatema huan viing. Kpatema hen a shima.
Tsô a kaa er, "Hegen yô m fa er i er ve m lu iyol agbedaang yô!"
Kpatema man Iwa zende za sha makeranta.
Nor-tar ngu ishin mar sha kpekpe u makeranta.
Nor-tar ngu ishin mar u agbedaang sha kpekpe u makeranta.
Nor-tar ishi mar sha hanmô kwagh.
Lu makeranta tsegher ga, Nor-tar ishi Kpatema kpaa!
Lu dedoo Kpatema u agbedaang.
Lu dedoo Iwa.
Lu dedoo Nor-tar.