Obwakare nakare, hakaba hariho enyinemwa eibiri zabaishiki, Nelima hamwe na Nambuya. Abazaire babo bakaba bafiire. Bakaba baratuura ahaitaka ritarimu kantu koona. Hakaba hatariho enjura narishi ebihingwa byoona. Weena owabire arenda ebyokurya akaba aine kugyenda orugyendo ruraingwa kubibona.

Nelima akaba ari omwetonzi, omuhunami kandi omwishiki orayamba. Murumuma we Nambuya akaba arehurira kandi atarahaburwa. Akaba atarafa ahabandi bantu

Eizooba rimwe, enyinaemwe eibiri zabaishiki zikaba ziteine ekyokurya. Bakaba beine kuronda ebyokurya. Nahabwekyo Nelima na Nambuya bakatoora omumihanda etarakushwana.

Hanyima yaho, hakaba hariho omukaikuru owubareeta Netasile. Bakaba baramwikiririzamu kehereza obugaiga. Natasile akaba aine ebibembe kandi omubiri gwe gukaba gwijwire ebituusa.

Nambuya akabugana Netasile. Netasile akeeta Nambuya," Muhara wangye, ori ota? Oraruga nkahe? Oraza nkahe?"

Nambuya akagarukamu ebibuuzo byona. Reero Netasile yagira, "Ija onyambe kuza omunju yangye reero nkugambire ekyokukora."

Nambuya akagambira kubi omukaikuru. Yagira," Hakiri nfe okukira kukwata mubituusa byawe." Netasile akahunama kandi yayendeza Nambuya orugyendo rurungi.

Nambuya akatambura okumara obwire buraingwa. Akahika omumwanya ogwabire gurimu enjoka, obunyaigana, ebinyabwoya hamwe nobukooko obundi. Akaruha munonga kandi yabura amaani habwenjara. Kuyashutamire kuruhukwa, yahungira. Obukooko bukatandika kumuruma.

Omurugyendo rwe, Nelima akabugana wamukaikuru. Akashemererwa kureeba Netasile, owabaire omuntu wokubanza kubugana okuruga obu yatandika orugyendo. Natasile akabuza ebibuzo nibyo bimwe ebiyabirize Nambuya.

Nelima akaikiriza kuyamba Netasile."Wakora ebi abandi baremirwe kukora," bikagambwa wamukaikuru. Akagambira Nelima ngu agaruke omuka. Ngu araza kushangayo buri kimwe ekiyabeir arenda.

Nelima akasiima kandi yayebaza omukaikuru. Akairukanga yataha kandi yashanga enju nsya erimu burikimwe, hamwe nebyokurya bingi. Hati yaba omugaiga.

Kwonka Nelima akasasibwa okuferwa kwomuruma, Nambuya.

Akegira wenka,"Owayangire okuhurira obuhabuzi akahendera agwire omukanwa' kenjojo."