Embuzi, Embwa hamwe Nente
Fabian Wakholi
Marleen Visser
Rukiga

Embuzi, embwa hamwe nente bakaba bari abanywani. Eizooba rimwe bakaza aharugyendo omumotoka

1

Bakahika ahamuheru rworugyendo rwabo. Omuvugi wemotoka yabashaba kushashura. Ente ekashashura ezayo.

2

Embwa ekashashura ezirengire ahabwokuba ekaba etaine esente zihanisize

3

Omuvugi wemotoka akaba ari haihi kugaruriza embwa esente zihanisize. Ahonaaho Embuzi ekairuka etashashwire

4

Omuvugi wemotoka akakwatwa ekiniga. Yavuga yagyenda atagarurire embwa esente zayo

5

Nikyo nerizooba, Embwa eriruka hamotoka kureeba omunda. Eraronda omuvugi wemotoka otaragishashwire.

6

Embuzi erahunga yahurira okuhuuma kwemotoka. Eratiina nga baraza kugikwata ahabwobutashashura.

7

Ente terafa ahamotoka. Eretware yaba erashara oruguuto. Eramanya ngu ekashashura ezayo zahwayo.

8
You are free to download, copy, translate or adapt this story and use the illustrations as long as you attribute in the following way:
Embuzi, Embwa hamwe Nente
Author - Fabian Wakholi
Translation - Olivia Mugabirwe
Illustration - Marleen Visser
Language - Rukiga
Level - First paragraphs
© African Storybook Initiative 2018
Creative Commons: Attribution 4.0
Source www.africanstorybook.org
Original source