Fana netilwane takhe
Foziya Mohammed
Jesse Breytenbach
Siswati

Fana nemndeni wakubo bahlala eDebre Birhan, lidolobha lelimatasa laseTopiya.

Fana ungumfundzi weLibanga 3. Unenhlitiyo lenhle futsi uhlakaniphile.

1

Fana utsandza tilwane.

Unelikati, tikhukhukati letimbili, imbuti kanye nelituba. Ucitsa sikhatsi naletilwane, atiphe kudla, futsi adlale nato.

2

Ngalelinye lilanga, Fana bekadlala ebaleni lesikolwa nebangani bakhe ngesikhatsi abona bantfwana bajikijela ematuba ngematje.

"Bawashayelani ematuba?" atibuta.

3

Wayekela kudla wase uyagijima uya kulabantfwana labebajikijela ematje.

Ekucaleni bangani bakhe abazange bacondze kutsi kwentekani, ngemuva kwaloko bamlandzela. "Yekelani kujikijela ematje," kumemeta Fana.

4

Bantfwana labebenta loko babaleka.

Fana wabamba ematuba lamabili labelimele. Wabona tilondza etimphikweni tawo. Wancuma kutsatsa ematuba lamabili aye nawo ekhaya kute ayowanakekela.

5

Wawondla ematuba. Kusihlwa wacocela umndeni wakubo ngaloko lakubonile nalakwentile ngalelo langa, nangendlela lasindzise ngayo ematuba.

6

Ekuseni Fana nabatali bakhe baya esibhedlela setilwane futsi batfola umutsi wematuba.

Ngemuva kwemalanga lambalwa, tilondza tematuba besetipholile. Fana wajabula kakhulu.

7

Ngaso sonkhe sikhatsi Fana bekatjela bangani bakhe, "Ngitsandza tilwane. Tilwane tilusito kitsi futsi tibangani betfu. Kufanele sitivikele futsi sitilondvolote."

8
You are free to download, copy, translate or adapt this story and use the illustrations as long as you attribute in the following way:
Fana netilwane takhe
Author - Foziya Mohammed
Translation - Mduduzi Benjie Shongwe
Illustration - Jesse Breytenbach
Language - Siswati
Level - First paragraphs
© African Storybook Initiative 2017
Creative Commons: Attribution 4.0
Source www.africanstorybook.org
Original source