Sawubona! Libito lami nginguNanu.

Sinamake wami silindze ithekisi. Siya ekhaya.

Lapha ngime elayinini. Make ungihlabelelela ingoma.

"Wota Babe weThekisi awuboni yini? SinaNanu silindzile!"

Make loseceleni kwami uphetse tinkhukhu takhe utiyisa ekhaya.

Titomtalela emacandza latowadla.

Lawa ngemadvodza labuya emsebentini. Ayangibuka ayamoyitela.

Ngiweva ahlabelela atsi, "Hheyi Nanu lomncane, ungakhatsateki. Ithekisi iyeta masinyane."

Kwendlula lomunye make. Ugcoke uyantfonsa. Ticatfulo takhe ative titinhle?

Titsi, "chwa, chwa, chwa, chwa, chwa, chwa" nakahamba.

Lendvodza itsengisa tinatfo letibandzako.

Ngiyatitsandza tinatfo letibandzako. Tiyabandza kakhulu futsi timnandzi.

Wena uyatitsandza yini?

Buka! Kunabomake labetfwele kudla kwabo kwakusihlwa etinhloko tabo.

Bahlakaniphile sibili.

Losisi ulungisa tinwele takhe.

Utotikhipha nebangani bakhe namuhla ebusuku.

Sengikhatsele nyalo. Make uyangimema kute ngiphumule.

Uyahlabelela, "Siyacela Babe weThekisi, ungephuti, gogo usilindzile egedeni."

Nangu umngani wami Tumi. Naye futsi uyaphumula.

Sitawufika ekhaya masinyane.

Esibhakabhakeni kunetinyoni letindiza tiya ekhaya.

Kufanele tifike ekhaya kungakahwalali.

Lomake unemacici lamahle. Ngicabanga kutsi uwatsenge lamuhla edolobheni.

Nasengikhulile ngitotsenga emacici lamanyenti ami newamake wami.

Make sewudziniwe nyalo.

Ngiyamhlabelelela ingoma, "Siyacela Babe weThekisi, wota phela, sinamake silindzile."

Mani kancane! Ngiva umsindvo wethekisi!

Nayi seyita!

Lena ithekisi yetfu lenkhulu lebovu. Ite kutotsatsa mine kanye namake wami siye ekhaya.

Sengijabule kakhulu!

Usale kahle!