Keke wahlala kumjikeni wakhe. Bekawutsandza umjikeni wakhe.
Bekungumjikeni loncono kunayo yonkhe esikolweni sakhe.
Umjikeni waKeke wacale wahamba kancane. Waya embili nasemuva, emuva nasembili.
Ngesikhatsi Keke anyakata, umjikeni wakhe wacala kuhamba ngelitubane kakhulu.
Masinyane besekasetulu. Keke wabuka phasi emhlabatsini. Bekasasetulu kakhulu.
"Yeee!" amemeta. "Bukani kutsi sengisetulu kangakanani!"
Bekajabula ngekuba setulu. Besekakwati kubona indzawo yonkhe.
Bekasaphakeme cishe ngangetinyoni letindiza ngetulu kwensimu yemmbila.
Ngemuva kwesikhatsi Keke besekafuna kubuyela phasi. Umjikeni bewungasemi.
"Yo, yo, yo," amemeta. "Angikwati kuwumisa lomjikeni!"
Umjikeni wachubeka nekuhamba. Uya etulu naphasi, etulu naphasi. Keke besekasaba.
"Kantsi utongiyisa kuphi lomjikeni? Kungenteka ngiye etulu enyangeni. Kufanele ngehle!" akhala.
Ngako, Keke wawuyekela umjikeni watihambela wodvwa. Wawela phasi, phasi, phasi.
"Yo, yo, yo!" kwakhala labanye bantfwana. Keke wawela emhlabatsini. Walimala inhloko.
"Eeeeh, eeeeh, eeeh," akhala.
Labanye bantfwana bebakhatsatekile. Keke bekangati kutsi kufanele enteni.
"Eeeeh, eeeeh, eeeh," akhala.
Bantfwana babita thishela wabo. "Mem' Mpho, sicela ute!" bamemeta.
"Keke uwe kumjikeni. Ulimele inhloko yakhe."
Mem' Mpho wagijima weta kumjikeni. Waphakamisa Keke wase ucabuza inhloko yakhe.
Keke wamoyitela, watsi, "Sekuncono. Ngeke ngiphindze ngiye kuloya mjikeni ngedvwana. Angifuni kuya enyangeni."
Mem' Mpho watsi, "Esikhatsini lesitako ngitawuba kanye nawe kumjikeni, Keke."
Sitokuya enyangeni sobabili!"