Kuta Gogo utewuvakasha. Kantsi njalo uphatsela Thabo emantongomane netitselo tesiganga nobe ummbila kanye nelijoti ngalesinye sikhatsi.

Thabo naye ufuna kupha Gogo intfo letsite lekhetsekile.

Incwadzi ingaba sipho lesihle, kepha Gogo akakwati kufundza?

Nakaya etitolo, ingabe utayitfola yini intfo letsite lenhle?

"Asimentele sikhwama," kusho Thabo amoyitela. "Sikhwama lesicinile lesikhulu ngagawini loluhlata njengesibhakabhaka."

Make utsatsa indvwangu labebayitsenge esitolo. Wendlala iphethini bese ucala kuyisika.

Kwekucala, usika tinhlangotsi letimbili letimcoka, letinkhulu futsi letibanti.

Ngemuva kwaloko usika letimbili letincane kute ahlanganise ngato.

Thabo utigoca ndzawonye kanye netinhlangotsi letimcoka letimbili. Uyabuka njengobe Make wakhe aphindza atsatsa iphethini.

Usika lingentasi lesikhwama, ticephu letimbili letindze. Loku kutokwenta lesikhwama sicine mbamba.

Thabo uyatigoca njengobe Make wakhe aphindze atsatsa iphethini.

Usika imicu lemine lebanti nalemidze.

Lemibili itawutfungelwa ndzawonye kute yente umucu munye. Loku kutawenta lesikhwama sicine ngalokuphindziwe.

Ngemuva kwaloko make utsatsa umshini wekutfunga.

Uhlanganisa tonkhe ticephu kute ente sikhwama saGogo.

Usinika Thabo, Thabo umoyitela bese utsi, "Ngiyabonga Make, ngesikhwama saGogo lesiluhlata njengesibhakabhaka!"