Mbui, ngimbwa ni ng'ombe
Fabian Wakholi
Marleen Visser
Xingoni

Mbui, ngimbwa ni ng'ombe akatomana uganja. Lixôva limu apangana ulendu. Vowa akwela mutuka.

1

Wapehike palihutu lya kuhuluka jwajendiha' mutuka vajôpa kutenda annêpi nxuluku waku. Nang'ombe annêpa.

2

Nangimbwa hêlahela alêpa, nambu akopoha nxuluku wamahena ni hibidi anng'ujakihi xenji jaku.

3

Jwakujendeha mutuka jôla apalita' kunng'ujakiha nxuluku nangimbwa jôla, nambu nambui atila wangalêpa.

4

Jwakujendeha mutuka jôla aximwa ni nakupivahujikiha anangimbwa xenji jau.

5

Kuxoko' linjôva lênele, nangimbwa, kama auweni mutuka, atenda kuugumalila ni kulingulila nkati mwaku, pangi xammoni jwakujendeha mutuka jôla, ampeli xenji jaku.

6

Nambui akaujôwa' mutuka, atenda kutila. Ajowoka kuntava mwaha wangalêpa.

7

Nang'ombe akaujôwa' mutuka, wakajanaga mbalabala, nakupaxituka. Ajenda mwapali' mweni, mwa' kutenda akalêpa nxuluku wowa wa ulendu.

8
You are free to download, copy, translate or adapt this story and use the illustrations as long as you attribute in the following way:
Mbui, ngimbwa ni ng'ombe
Author - Fabian Wakholi
Translation - Jacinto Saidine Chaúre
Illustration - Marleen Visser
Language - Xingoni
Level - First paragraphs
© African Storybook Initiative 2018
Creative Commons: Attribution 4.0
Source www.africanstorybook.org
Original source