Khale wa khaleni vanhu a va nga tivi nchumu. A va nga swi koti ku byala mbewu, kumbe ku luka nguvu, kumbe ku endla switirhisiwa swa nsimbhi.

Swikwembu swa Nyame ehenhla ematilweni a swi ri na vutlhari hinkwabyo bya misava. A byi hlayisiwa endzeni ka mbita ya vumba.

Siku rin'wana, Nyame u tekile xiboho xa ku u ta nyika Vuntshwa mbita ya vutlhari.

Mikarhi hinkwayo loko Vuntshwa a languta mbita ya vutlhari, a dyondza swin'wana swintshwa. A swi tsakisa swinene!

Vuntshwa lowa makwanga a anakanya, "Ndzi ta veka mbita leyi ehenhla ka nsinya laha yi nga ta hlayiseka. Leswaku ku va ya mina ntsena!" U lukile ngoti lerikulu, a yi tsondzela na mbita ya vumba, a yi boha na khwiri ra yena.

U sungurile ku khandziya nsinya. Kambe a swi tika ku khandziya nsinya na mbita yi ri karhi yi himetela matsolo mikarhi hinkwayo.

Mikarhi leyi hinkwayo n'wana wa Vuntshwa lontsongo wa jaha a yimile ehansi ka nsinya a ri karhi a languta. A ku, "A swi nga ta olova loko a wo khandziya u bebule mbita enhlaneni xana?"

Vuntshwa u ringetile ku bebula mbita ya vutlhari hi le hlaneni, hi mpela a swi olova swinene.

Ku nga si hela nkarhi a fikile emanembenembeni ya nsinya. Kambe a yima a anakanya, "Kasi hi mina ntsena ndzi faneleke ku va na vutlhari hinkwabyo xana, naswona laha jaha ra mina ri kombise vutlhari swinene ku tlula mina!"

Vuntshwa a hlundzukile swinene hi mhaka ya leswi ku fika laha a nga cukumeta mbita ya vumba ehansi ku suka ensinyeni.

Yi wa yi hundzuka swiphepherhele. Vutlhari a byi ri bya mani na mani ku avelana byona mahala.

Hilaha vanhu va nga dyondza ku rima, ku luka swiambalo, ku endla switirhisiwa swa tinsimbhi, na swilo hinkwaswo leswi vanhu a va tiva ku swi endla.