Halima na ndyangu wa ka vona va tshama eDebre Birhan, doroba leri nga na vuyimayima swinene eEthiopia.
Halima i mudyondzi wa giredi ya 3. U na mbilu ya kahle na ku vutlhari.
Halima u rhandza swifuwo. U teka nkarhi wa yena a tshama na swona, a swi dyisa, na ku tlanga na swona.
U na ximanga, mimbhaha mimbirhi, mbuti na tuva.
Siku rin'wana, Halima a ri eku tlangeni ejarateni ra xikolo na vanghana va yena loko a vona n'wana un'wana a hoxetela maribye eka matuva.
"Hikwalaho ka yini va vavisa matuva?" a tivutisa.
Va tshikile ku tlanga kutani va tsutsumela eka tlhelo leri vana lava a va hoxetela maribye.
Emasungulweni vanghana va yena a va nga swi twisisi leswi a swi humelela, kutani va n'wi sala endzhaku. "Tshikani ku hoxetela maribye," ku huwelela Halima.
Vana lavan'wana va tsutsumile.
Halima u khomile matuva mambirhi lama a ma vavisekile. U vonile timbanga etimpapeni. U tekile xiboho xa ku teka matuva lamambirhi ku ya ma hlayisa ekaya.
U phamerile matuva.
Nimadyambu u byerile vandyangu wa yena leswi a swi voneke ninhlikanhi, na hilaha a poniseke matuva hakona.
Nimixo Halima na vatswari va yena va yile etliliniki na ku kuma murhi wa matuva.
Endzhaku ka masikunyana, swilondzo swa matuva a swi horile. Halima u titwile a tsakile.
Halima u tshamela ro byela vanghana va yena, "Ndzi rhandza swiharhi. Swiharhi swi kahle eka hina naswona i vanghana va hina. Ha swi sirhelela na ku swi hlayisa."