Helo! Vito ra mina hi mina Ehleketani.

Ndzi yimile laha na manana hi yimele thekisi. Hi ya ekaya.

Laha ndzi fole layini. Manana wa mina u ndzi yimbelelela risimu.

"Tana Tatana wa thekisi a wu swi voni? Hi ku yimerile, mina na Ehleketani!"

Sesi loyi a nga le tlhelo ka mina u yisa tihuku ekaya. Ti ta n'wi tshikelela mandza ku ri a dya.

Vavanuna va vuyela endzhaku ku suka entirhweni. Va ndzi n'wayitelela.

Ndzi twa va yimbela. "Heyi Ehleketani lontsongo, u nga vileri. Thekisi ra ta hi ku hatlisa."

Wansati u hundza kwala a va ri kona. Wansati loyi a ambale kahle swinene. Tintanghu ta yena a ti nga lo saseka lero no ta saseka.

Ti ri "Kwai, kwai Kwai, kwai," loko a famba.

Wanuna loyi u xavisa tinamuneti.

Ndzi rhandza tinamuneti. Ta titimela na ku nyanganya. Xana wa ti tsakela?

Vona! Ku na vavasati lava nga rhwala swo lalela etinhlokweni va ya na swona ekaya. A va tlharihangi lero na ta tlhariha.

Wansati luya u le ku endleni ka misisi.

U ya eku hungaseni ni vanghana va yena namuntlha nimadyambu.

Sweswi ndzi karhele. Manana wa ndzi bebula enhlaneni laha ndzi nga ta wisa.

Wa yimbelela, "Ha kombela Tatana wa Thekisi, u nga hlweri, kokwana u hi yimerile enyangweni."

Hi luya munghana wa mina. Na yena u wisile.

Hi ta fika ekaya ku nga ri khale.

Ehenhla ematilweni ku swinyanyana swi hahaka swi ya ekaya.

Swi fanele swi fika ekaya ku nga si va na xinyami.

Wansati u na masuruvele mo saseka. Ndzi anakanya ku ri u ya xavile edorobeni namuntlha.

Loko ndzi kula ndzi ta tixavela mina na manana masuruvele mo tala.

Manana u le ku karhaleni sweswi.

Ndzi n'wi yimbelela risimu, "Ha kombela Tatana wa Thekisi, xana a wu fiki, hi ku yimerile, mina na mhani."

Yimanyana! Ndzi twa mpfumawulo wa thekisi!

Hi leyi ya ta!

Hi leri thekisi ra hina lerikulu ro tshwuka.

Ri tile ku ta teka mina na manana hi ya ekaya. Ndzi tsakile swinene.

Tata!