Kulani u jomba ka mujombe lowu a wu rhandzaka.

U ya ehenhla emanembenembeni. U na ku chava leswaku u ta hahela en'wetini.

Kulani a fambisa mujombe switsongo. Endzhaku na le mahlweni, endzhaku na le mahlweni.

Loko Kulani a jomba, mujombe a wu famba hi ku hatlisa swinene.

Kulani u langutile ehansi emisaveni. A a ri ehenhla swinene.

"Heeeyi!" A huwelela. "Vona leswaku ndzi le henhla njhani!"

A tsakile swinene ku va a ri ehenhla. A kota ku vona tiko hinkwaro.

A a ri ehenhla ku fana na swinyanyana loko swi ri karhi swi haha ehenhla ka masimu ya mavele.

Endzhaku ka nkarhi Kulani a lava ku vuyela ehansi. Kambe mujombe a wu nga yimi.

"Yooo, yoo, yooo," a huwelela. "A ndzi swi koti ku yimisa mujombe!"

Mujombe wu yile emahlweni wu nga yimi. Ehenhla na le hansi, ehenhla na le hansi. Kulani u tele hi ku chava.

"Xana mujombe lowu wu ta ndzi yisa kwihi? Ndzi nga fika na le n'wetini. Ndzi fanele ku chika!" a rila.

Kutani Kulani u tshiketile mujombe. A wela ehansi, ehansi hansi.

"Yowe, yowe, yowe!" ku rila vana lavan'wana. Kulani u wele ehansi. U tivavisile nhloko.

"Yooo, yooo, yooo," a rila.

Vana lavan'wana a va taleriwile hi ku vilela swinene. Kulani a nga swi tivi leswaku a nga endla yini.

"Yooo, yooo, yooo," a rila.

Vana va vitanile mudyondzisi wa vona.

"Manana Cawuke, hi kombela u ta!" va huwelela. "Kulani u wile emujombeni. U tivavisile enhlokweni."

Manana Cawuke va tsutsumele emujombeni. U tekile Kulani kutani a n'wi tswontswa emombyeni.

Kulani a n'wayitela, "Swa antswa. A ndzi nge he yi emujombeni luwa ndzi ri ndzexe nakambe," a vula. "A ndza ha swi lavi ku ya en'wetini."

"Nkarhi lowutaka ndzi ta va na wena emujombeni, Kulani," ku vula Manana Cawuke.

"Hi nga ya en'wetini swin'we!"