Makhulu vha khou ḓa u dala. Tshifhinga tshoṱhe Thamba vha mu ḓela na nḓuhu na mitshelo ya ḓaka kana tshikoli na bvani, kana zwiṅwe-vho.
Thamba u khou tama u ṋea-vho Makhulu tshiṅwe tshithu tsha tshipentshela.
Bugu yo vha i tshi nga vha takadza, fhedzi Makhulu vha a kona u vhala naa?
Arali a nga ya mavhengeleni, a nga wana tshiṅwe tshithu tshavhuḓi?
"Kha ri vha itele bege," hu amba Thamba a tshi ṅwethuwa. "Bege khulwane yo khwaṱhaho ya sila ḽa denimi ḽa muvhala wa lutombo."
Mme a Thamba vha bvisa sila ḽe vha renga vhengeleni. Vha ḽi ṱharamudza vha tala phetheni vha thoma u gera.
Tsha u thoma, vhurumbu vhuvhili vhuhulwane nahone ho aṱamaho.
Vha tevhedza nga zwipiḓa zwiṱuku zwi no ḓo thusa kha tshivhumbeo.
Thamba a zwi peta na vhuḽa vhurumbu vhuvhili. A ṱalela mme awe vha tshi tala iṅwe phetheni hafhu.
Vha gera zwipiḓa zwilapfu zwivhili zwine zwa ḓo ita tshiraho tsha bege. Zwi ḓo ita uri bege iyi i khwaṱhe vhukuma.
Vha gera mikungelo yo aṱamaho na u lapfa.
Vhulabi vhuvhili vhu ḓo rungelelwa ha ita mukungelo muthihi. Hezwi zwi ḓo ita uri bege i khwaṱhe kavhili.
Mme awe vha mbo ḓi bvisa mutshini wa u runga.
Vha rungelela zwipiḓa zwoṱhe vha tshi ita bege ya Makhulu.
Vha mbo i ṋea Thamba we a mwemwela a ri, "Ndo livhuwa Mma, vho runga bege khulukhulu ya Makhulu!"