Ṋamusi a thi yi tshikoloni.
Ndi holodei!
Ṋamusi a thi nga vhoni TV.
Musi a hu na muḓagasi.
Zwino ndi ḓo ṱwa ndi tshi khou ita mini?
Ṋamusi ndi ḓo ṱwa ndi tshi khou thetshelesa muvhili wanga!
Ndi tea u dzula nde ṅoo!
Uri ndi kone u thetshelesa muvhili wanga.
Ee, mufemo wanga ndi khou pfa zwino.
Ndi femela ngomu nda femela nnḓa. Ngomu, nnḓa.
Ndi nga femela nṱha. Sssssssssssss!
Nda femela fhasi. Mmmmmmm.
Mbilu yanga ndi khou i pfa zwino!
Doodom, doodoom, dooo dooom.
Ndi nga ita uri mbilu yanga i divhithe nga u ṱavhanya
kana i pfalese?
Ee, nga u thamukana lunzhilunzhi, kafumbili.
Vhonani wee! Mbilu yanga i khou divhitha nga luvhilo.
Ndi vhea minwe kha tshinungonungo, nda pfa mudivhitho!
Tshiseo tshanga ndi khou tshi pfa.
Haha, haha, haaah, haaa!
Ndi a ḓipfa ndi tshi honḓa.
Boohoooo hooo!
Ndi a ḓipfa ndi tshi vhanda zwanḓa.
Phaa, phaa, phaa.
Thumbu yanga i tshi kuma ndi a i pfa!
Guddu, guddu, guddu.
I amba na nṋe ya ri, "Ndi na nḓala!"
Mma vha khou baka khekhe khishini, munukhelelo wo swika ningoni dzanga!
Tsho salaho ndi u pfa ṱhaha dzanga dzi tshi ṱafuna khekhe!