Fana na muṱa wawe vha dzula Debre Birhan, ḓorobo ya vhomuthumunzhi ngei Iṱopiya.
Fana ndi mugudiswa wa gireidi ya vhuraru. U na mbilu yavhuḓi nahone o ṱalifha.
Fana u funa zwifuwo. U na tshimange, khuhu mbili, mbudzi na ḽiivha.
U fhedza tshifhinga e na hezwi zwifuwo, a tshi zwi ṋea zwiḽiwa, na u tamba nazwo.
Ḽiṅwe ḓuvha, Fana o vha a tshi khou tamba dzharaṱani ya tshikolo na khonani dzawe musi a tshi vhona vhana vha tshi khou rwa maivha nga matombo.
A ḓivhudzisa, "Ndi ngani vha tshi khou vhaisa maivha?"
A litsha u tamba a gidimela kha vhana vhane vha khou posa matombo.
U thomani khonani dzawe dzo vha dzi sa khou pfesesa uri hu khou itea mini, nga murahu vha mu tevhela. A vha hambekanya, "Litshani u posa matombo."
Vhaṅwe vhana vha shavha.
Fana a fara maivha mavhili o vhaisalaho. O vhona nntho kha phapha dzao. A khetha u dzhia maivha mavhili a ṱuwa nao hayani uri a a ṱhogomele.
O ṋea maivha zwiḽiwa. Nga madekwana o vhudza muṱa wahawe zwe zwa itea na zwe a zwi ita nga ḽeneḽo ḓuvha, na nḓila ye a tshidza ngayo maivha.
Nga matsheloni Fana na vhabebi vhawe vho ya kiliniki nahone vha wanela maivha mishonga.
Nga murahu ha maḓuvha a si gathi, nntho dza maivha dza fhola. Fana o vha o takala vhukuma.
Fana u dzulela u vhudza khonani dzawe, "Ndi funa zwifuwo. Zwifuwo zwi a ri vhuyedza nahone ndi khonani dzashu. Ri fanela u zwi tsireledza na u zwi ṱhogomela."