Ri a vusa! Dzina ḽanga ndi Funi.

Nṋe na mme anga ro lindela thekhisi. Ri khou ya hayani.

Hafha ndo ima kha ḽaini. Mme anga vho nnyimbela luimbo.

"Kha vha ḓe Vho Thekhisi kani a vha zwi vhoni? Nṋe na Funi, ro vha lindela!"

Mufumakadzi a re tsini na nṋe u khou isa khuhu dzawe hayani. Dzi ḓo kudzela makumba uri vha ḽe.

Havha vhanna vha khou bva mushumoni. Vha ṅwethuwa na nṋe.

Ndi pfa vha tshi imba, "Funi muṱuku a songo vhilaela. Thekhisi i khou ḓa nga u ṱavhanya."

Ha fhira muṅwe mufumakadzi. Ndi mufumakadzi o nakelelaho. Naa zwienda zwawe a zwo ngo naka?

Musi a tshi tshimbila zwi ri "goo, goo, goo goo, goo, goo."

Havha munna vha khou rengisa zwinwiwa zwi rotholelaho. Ndi funa zwinwiwa zwi rotholelaho.

Zwi a rotholela nahone zwi na swigiri. Ni a zwi funa?

Sedzani! Huna vhafumakadzi vho hwalaho zwiḽiwa zwa nga madekwana kha ṱhoho dzavho. Vho ṱalifha lungafhani?

Havhaḽa mufumakadzi vha khou itwa mavhudzi.

Vha khou ḓibvisa na khonani dzavho nga madekwana.

Ndo neta zwino. Mme anga vha mmbeba muṱanani wavho uri ndi awele.

Vha imba, "Vho Thekhisi ndi khou humbela uri vha songo lenga, Makhulu vho ri lindela getheni yashu."

Khonani yanga Vhutshilo khoyu. Na ene o awela. Ri ḓo swika hayani hu si kale.

Nṱha nṱha zwiṋoni zwi khou fhufhela hayani. Zwi fanela u swika hayani ḽi sa athu kovhela.

Hoyu mufumakadzi u na zwiṅina zwo nakaho. Ndi humbula uri o zwi renga ṋamusi ḓoroboni.

Musi ndi tshi aluwa, na nṋe ndi ḓo rengela mme anga zwiṅina zwinzhi.

Mme anga vha khou neta zwino.

Ndi vha imbela luimbo, "Vho Thekhisi ri khou humbela uri vha ḓe, nṋe na mme anga ro vha lindela."

Imani! Ndi khou ipfa! Kheyi i khou ḓa!

Heyi ndi thekhisi yashu tswuku khulwane. Yo ḓa u dzhia nṋe na mme anga u ri isa hayani. Ndo takala vhukuma!

Ṱa-ṱa!