Keke o dzula kha muswinki wawe.

O vha a tshi funa muswinki wawe. Wo vha u muswinki wavhuḓi tshikoloni tshawe.

Keke o thoma nga zwiṱuku nga zwiṱuku kha muswinki wawe. A ya murahu a dovha a ya phanḓa, a dovha a ya murahu na u ya phanḓa.

Musi Keke a tshi fhufhela nṱha, muswinki wo vha u tshi ṱavhanyedza. Nga u ṱavhanya o vha o na vha nṱha nṱha.

Keke a tshi sedza fhasi. O vha e nṱha vhukuma.

A vhidzelela a ri, "Aeei!" Sedzani uri ndi tou vha nṱha lungafhani!"

O vha o takalela u vha nṱha nga u rali. O vha a tshi kona u vhona muvhundu woṱhe.

O vha a tshi tou vha nṱha u fana na zwiṋoni zwine zwa khou fhufha nṱha ha tsimu dza mavhele.

Nga murahu ha tshifhinga Keke o vha tshi ṱoḓa u tsela fhasi.

Muswinki wo vha u sa khou ima. A vhidzelela a ri, "Yowee, yoweee, yowee. A thi koni u imisa hoyu muswinki!"

Muswinki wone wa ḓi bvela phanḓa. Nṱha na fhasi, nṱha na fhasi. Keke o vha o tshuwa.

A lila a ri, "Uyu muswinki u ḓo nngisa ngafhi? Ndi nga kha ḓi ya kha ṅwedzi. Ndi tea u tsa."

Nga zwenezwo, Keke a litshedza muswinki. A wela fhasi, fhasi, fhasi.

Vhaṅwe vhana vha lila vha ri, "Yowee, yoweee, yowee!"

Keke a wela fhasi. O vhaisala ṱhoho. O lila a ri, "Eeeeh, eeeeh, eeeh."

Vhaṅwe vhana vho vha vha tshi khou vhilaela.

Keke o vha a sa ḓivhi uri a ite mini. O lila, "Eeeeh, eeeeh, eeeh."

Vhaṅwe vhana vha vhidzelela mudededzi wavho. Vha ri, "Vho Mme Mpho, ri khou humbela uri vha ḓe. Keke o wa kha muswinki. O vhaisala ṱhoho."

Vho Mme Mpho vha gidima vha tshi ya kha muswinki. Vha takula Keke nahone vha mu khisa kha ṱhoho.

Keke a ṅwethuwa. O ri, "Hezwi zwi khwine. Ndi nga si dovhe nda ya kha muswinki ndi ndoṱhe. A thi ṱoḓi u ya kha ṅwedzi."

"Tshifhingani tshi ḓaho ndi ḓo vha na inwi kha muswinki waṋu, Keke," ndi Vho Mme Mpho vha tshi ralo.

"Ri ḓo ṱuwa roṱhe ra ya kha ṅwedzi!"