Kokwanaxisati wa vhaka. Mikarhi hinkwayo loko a vhaka u tela na Ntsako timanga na mihandzu.
Ntsako na yena u nyika kokwanaxisati nchumu wo hlawuleka.
Buku yi nga va kahle ku va nyiko ya kokwanaxisati. Kambe kokwanaxisati va swi kota ku hlaya ke?
Loko o ya emolweni, a nga kuma nyiko yo saseka?
"A hi n'wi endleleni beke," ku vula Ntsako a karhi a n'wayitela. "Beke leyikulu ya wasi ya bokhathi."
Manana a teka lapi leri a ri xaveke evhengeleni. A sungula ku tsemelela swiphemu leswi nga ta rhunga beke.
U sungule a tsema swiphemu swimbirhi leswikulu no anama.
A tlhela a tsema swiphemu leswitsongo swo endla leswaku beke yi va na xivumbeko xa kahle.
Ntsako a petsa swiphemu leswi na swiphemu leswikulu xikan'we. A languta manana loko a karhi a tsemelela swiphemu.
Manana a tsema swiphemu swimbirhi swo endla tshaku ra beke. Leswi hi swona swi nga ta endla leswaku beke yi tiya.
Ntsako a swi petsa loko manana a karhi a tsema swiphemu swin'wana.
Manana a tsema swibantana swa mune swo anama no leha.
Swibantana swimbirhi swi ta rhungiwa swin'we ku endla banti rin'we. Leswi swi endleriwa ku tiyisa beke.
Manana a teka muchini wa yena wo rhunga.
A hlanganisa swiphemu hinkwaswo ku endla beke ya kokwanaxisati.
A teka a yi nyika Ntsako loyi a yi amukelaka hi ku tsaka a ku, "Inkomu manana ku va mi endlile beke leyikulu ya wasi ya kokwana."