Lexi i ximanga.
Leyi i mbyana.
Ximanga na mbyana swi pfula rivanti. Swi pfula rivanti ra yindlu ya swona swi famba.
Swi famba ebyanyini. Swi famba exikarhi ka mirhi. Swi famba enhoveni ivi swi yima.
Ximanga na mbyana swi vona xikoweto.
Swi vona xikoweto emurhini.
Ximanga na mbyana swa hlaya.
Swi hlaya xikoweto, 'xiyaxiya 'cape'.'
Ximanga xi ku, "Ku tsariwe hi Xinghezi. Xana 'cape' i yini hi Xitsonga."
Mbyana yi ku, "'Cape' i xibajana."
Ximanga na mbyana a va xi voni xibajana.
Va hleka.
Va hleka xikoweto.
Va hleka xikoweto xo va byela vunwa.
Ivi rito ri cinca!
Ximanga na mbyana swa hlaya.
Swi hlaya xikoweto.
'Xiyaxiya 'grape'.'
Ximanga xi ku, "Ku tsariwe hi Xinghezi. 'Grape' i yini hi Xitsonga?"
Mbyana yi hlamula, "'Grape' ti tidirivha?'
Ximanga na mbyana a swi voni tidirivha.
Swi hleka.
Swi hleka xikoweto.
Swi hleka xikoweto xo swi byela vunwa.
Ximanga na mbyana swi languta xikoweto. Swi vona swivungu eka xikoweto. Swivungu hi swona a swi cinca marito!
Ximanga na mbyana swi susa swivungu. Swi susa swivungu swi cukumeta.
Ximanga na mbyana swa hlaya.
Swi hlaya xikoweto, 'xiyaxiya 'ape'.'
Ximanga xi ku, "Ku tsariwe hi Xinghezi. 'Ape' i yini hi Xitsonga?"
Mbyana yi ku, "'Ape' i mfenhe."
Ximanga na mbyana swi vona mfenhe.
Ximanga na mbyana swi kombetela mfenhe.
Mfenhe i yikulu. Mfenhe i yikulu swinene.
Ximanga xi ku, "Tsutsuma!"
Mbyana yi ku, "Tsutsuma!"
Ximanga na mbyana swi tsutsuma. Swi tsutsuma.
Ximanga na mbyana swi tsutsumela endlwini ya swona.
Ximanga na mbyana swi pfala rivanti.
Swi pfala rivanti ra yindlu ya swona.
U sala kahle ximanga.
U sala kahle mbyana.
U sala kahle mfenhe.
Mi sala kahle swivungu.