ታናሽ ወንድሜ ከእንቅልፉ ለመነሳት ይዘገያል።

እኔ ጎበዝ ስለሆንኩ ቀደም ብዬ እነቃለሁ!

ፀሐይዋን ወደ ቤት የማስገባት እኔ ነኝ፡፡

‹‹የንጋት ኮከቤ ነሽ›› ትለኛለች እማማ፡፡

በየቀኑ ራሴን በራሴ እታጠባለሁ፣ የማንንም እገዛ አልፈልግም፡፡

በቀዝቃዛ ውሃ ወይም ልብስ በሚታጠብበት በሰማያዊው ሳሙና ብታጠብ ግድ የለኝም፡፡

እማማ ‹‹ጥርሶችሽን አትርሺ›› ስትል ታስታውሰኛለች፡፡

እኔም ‹‹በጭራሽ፣ አልረሳም!›› በማለት እመልሳለሁ፡፡

ከታጠበኩ በኋላ አያቴ እና አክስቴን ሰላም እላለሁ፡፡

መልካም ቀንን እመኝላቸዋለሁ፡፡

ከዚያ ልብሴን እለብሳለሁ፡፡

‹‹አሁን ትልቅ ነኝ፣ እማማ›› እላለሁ፡፡

አዝራሮቼን መቆለፍና ጫማዬን ማሰር እችላለሁ፡፡

የትምህርት ቤት መረጃ ሁሉ ለወንድሜ እንደደረሰው አረጋግጣለሁ፡፡

በክፍል ውስጥ የተቻለኝን ሁሉ አደርጋለሁ፡፡

በየቀኑ እነዚህን ሁሉ ጥሩ ነገሮች አደርጋለሁ፡፡
በጣም የምወደው ነገር ግን አብዝቼ መጫወት ነው!