Ga o ise o bone ntšwa e e botlhale e e tshwanang le Heidi.

E ithaya e re ke motho.

Fa ke tlhapa meno, le yone e batla ke e tlhapisa meno.

Fa ke bogetse thelebišene, le yone o fitlhele e ntse e tsamaisa matlho e kete e tlhaloganya tiragalo nngwe le nngwe.

E ne e le maitseboa fa re ne re bogetse tsa metshameko mo thelebišeneng ka letsatsi lengwe.

Go ne ga kokota tsala ya me ya bogologolo Mmapula.

Re ne ra itumelana, ra atlana ga nna monate.

Mmapula a se ke a dumedisa Heidi. E ne e tlwaetse go dumedisiwa ka letsogo.

Nna ka lebala go itsise Mmapula Heidi, ntekwane e befile mo go maswe.

E rile pele nka raya Mmapula ke re setulo ke se, Mmapula a bo a setse a ipeile mo setulong sa ga Heidi.

Ya gana ona matlakala ao!

Ya se ke ya emela ke bua.

E ne e tlwaetse go dumedisiwa ka letsogo.

Ya tlolela mo diropeng tsa ga Mmapula ka ponyo ya leitlho, ya mmogola e mo lebile ka mo matlhong e batla go mo loma molomo!

Mmapula o ne a maketse!

Ka akanya ka bonako, ka tlosa Heidi ka bonako mo diropeng tsa gagwe!

Go simolola motsing oo, Mmapula a se ke a tlhola a le baya kwa ga me.